ДакIнийхтуну барча дуллай буру жулла аьзизсса нину, ГьунчIукьатIатусса Мяммаева Умму, оьрмулул 80 шинал юбилейращал.
Дадай, чIа тIий буру вин цIакьсса цIуллушиву. Я Аллагь, ина мудангу мукунна зирангнува, аьчухнува, тяхъанува личIаннав! Вил ялун тяхъашивуртту, ххаришивуртту дакъа къадияннав. Жу оьрмулухун вийн барчаллагьрай буссару! Яданнав ина жун Заннал!
Щюлли гъинтнил зурул
Ххуй-хъинсса кьини
Ххяххабаргъ ялувну
Дурссар жул нину.
Чан къаданнав, дадай,
Ина жун тачIав.
Ина жуйн бивтнасса
Бургъил чанира.
Барчаллагьрай буру,
Икрамрай буру
Ина був захIматрайн,
Жу хъуни буллай.
Виха мудангу дуаьлийсса арсру, душру, куявтал, миннал оьрчIру, ссу, ссил оьрчIру ва душру, цинявппагу гъан-маччами
——————————
Республикалул ортопедтравматологиялул ортопед отделениялул каялувчи МахIмудлул арс Губулов Юсуплун давриву хьун дуллалисса хьхьичIуннайшивурттахлу дуллунни «Дагъусттан Республикалул лайкь хьусса хIакин» тIисса хъуннасса цIа.
Му бусравсса цIагу барачат дуллай, чIа тIий буру Юсуплун ялуннайгу ххуй-ххуйсса ккаккияртту, тIайлабацIуртту. Му цIаниву буссар Юсуплул гьунар ххисса карунних хъин бувсса хъинну чIявусса инсантурал барчаллагьругу.
Вил кару муниярдагу карамат хьуннав, цIуллушиву цIакь хьуннав.
Дустал, гьалмахтал
Юсуплущалсса гьарта-гьарзасса ихтилат бикIантIиссар «Илчи» кказитрал хъиривсса цания ца номерданий
