Июльданул 22-нний МахIач­къалаллал Дусшиврул къатраву хьунни ДР-лул Террорданийн къаршисса комиссиялул ва ДР-лул Оператив штабрал цачIусса батIаву. Микку гьуртту хьунни Аьрасатнал ФСБ-лул директорнал хъиривчу Евгений Сысоев, АьФ-лул СКФО-райсса вакил Сергей Меликов, ДР-лул БакIчи Рамазан АьбдуллатIипов, ДР-лул ХIукуматрал Председатель Аьбдуссамад ХIамидов, республикалул гужирдал структурарттал ва министерстварттал ва ведомстварттал каялувчитал.
Совещаниялий буслай бия ДР-лийсса Террорданийн къаршисса комиссиялул гьашину 6 зуруй дурсса давурттал хIакъираву ва УнцIукIуллал райондалий террорчишиврул идеологиялийн къаршисса сакиншинналул хIакъираву. Миннува гьаз бунни Дарбантуллан 2000 шин шаврил шадлугъирттайн хIадур шаврил чIумал мюхчаншиву дуруччаврин хасъсса давурттал масъалагу.
ХIадур бувссар
ХI. Аьдиловлул