Июль зурул 27-нний бартлаглай дур 80 шин ГьунчIукьатIатусса ХIусайннул арс Дандамаев ХIасан ниттил увну.
ХIасаннул оьрчIшиву дакI ххари хьунсса хьуну дакъар, 6 шин хьуннина ппугу дяъвилий ивкIуну, ванал ниттин 5 оьрчIалсса буллан багьну бур.
ХIасаннул, цалла ялун дирсса кьинигу дурхIуну, Гъумучиял школалий 10 классгу бувккуну, Москавлив цалва хIарачатрацIух ларайсса кIулшивугу ларсун дур. Зий ивкIун ур личIи-личIисса къуллугъирттай Дагъусттаннай ва Къазахъисттаннай. ХIукумат лирну махъ Шевченко шагьрулия МахIачкъалалив ивзун ур. Пенсиялийн увккун ур. ХIасан ур цалва пиша лавайну кIулсса специалист.
Цалва кулпат Асиятлущал 2 арс дуккингу бувну, чивун буккан бунни.
Ванал хъунама арс Хьхьирил аьралуннал полковник ур.
Жу цинявппагу, вил дустал, гьалмахтал, дакIнийхтуну ина барча уллай буру. ЧIа тIий буру вин цIуллушиву, оьрмулуву ххаришиву. Ина вилва оьрчIал, оьрчIал оьрчIал ххари уллай, оьрмулул уччиннин итаннав, вила оьрмулул дус Асиятлущал.
Мудангу вил хIурмат бусса дустал, гьалмахтал
———————
ДакIнийхтуну барча уллай буру жуна хъинну ххирасса, ас-намусрал бутIа лавайну буллусса, дугърисса дакIнил заллу, ГьунчIукьатIрал АхIмадихъал ХIамидлул арс Руслан оьрмулул 75 шин бартларгсса кьинилущал.
Руслан, ххирама, оьрмулул шаттирдаву адаминайнни кьини дуккайсса, адаминалли ми захIматшивурттугу духIайсса. Ина ккаккан бунни лакрал зунттал тарбия увсса чув ушиву. Вихьхьун цIуллушиву дулуннав уттиния тихуннайгу ми оьрмулул лахъазанну лахълан. Ина вила ичIуссаннащал оьрмулул уччиннин итаннав.
ГьунчIукьатIрал ккуран
———————-
ДакIнийхтуну барча уллай буру жучIава лавайсса хIурмат бусса, ГьунчIукьатIрал ккурандалул ца ттарцIну хъанахъисса Штанчаев Шамил Закирдул арс, ниттил увну 55 шин бартларгсса юбилейращал. Шамилгу, ванал багьу-бизугу къакIулсса лакраву бакъа, Дагъусттаннайгу чансса бикIантIиссар.
|
ХIурмат лавайсса Шамил! Жу цинявппагу, ина кIулми, виха дуаьлийми, чIа тIий буру вин цIакьсса цIуллушиву, лахъисса оьрму.
Ина вила ичIуссаннащал, оьрчIал оьрчIал ххари уллай, 95 шин оьрмулул хьунадакьлай ккакканнав.
ГьунчIукьатIрал ккуран
