ДакIнийхтуну барча дуллай буру Ккацраннал шяравасса Кьурбанов Шакирдул оьрмулуву кIицI лаглагисса 55 шинал юбилей. ЧIа тIий буру Шакирдун чIярусса цIуллусса шинну, цIу-цIусса ххуйшивуртту, тIайлабацIуртту оьрмулувугу, иширттавугу.
ТачIаввагу чан къахьуннав вин вила дакIнин лавхьхьусса кьисмат!
Дустал, гьалмахтал
———————————————
Жул ххирасса дадай, Залму бавай!
Барча тIий буру вил ххаллилсса оьрмулул юбилей. Ина жун,оьрчIан, буттан кIанайгу дарцIусса, дакъа чара бакъасса нину хьуссара, жул оьрчIангу захIмат ххирашивруву, хIурмат-иззат бушивруву эбратну хьуссара.
Ина уттиния тихуннайгу вилла дакIнин ччикун оьрму бутлай дитаннав тIий лабизлай буру ххирасса Заннайн. Жу вияту ххарину, ина жуяту рязину, жул оьрчIаяту ххарину оьрмулия щалихханнин дитаннав. Вил мурччай пиш чан къахьуннав.
Виха дуаьлийсса арсру, арснал хъами,
душ, куяв, минная бивзми, хаснува Нураттин ва Жабраил,
ш. КIямаши
————————————————
ДакIнийхтуну барча уллай буру Республикалул урологиялул центрданий хIакин-хирургну зузисса Аьбдуллаев АхIмади Сулайманнул арс давриву хьун дуллалисса хьхьичIуннайшивурттахлу дуллусса, бюхттулсса, «Дагъусттан Республикалул лайкь хьусса хIакин» тIисса цIанищал.
Му бюхттулсса цIа барча, барачат дуллай, чIа тIий буру, АхIмадий, вин хьхьичIуннайгу муниярдагу бюхттулсса ккаккияртту ва тIайлабацIуртту. Дагъусттаннал щархъавусса хьуннав, шагьрурдайсса хьуннав ина хъин бувсса агьалинал барчаллагьру буссар му бюхттулсса цIаниву.
ХIакин тIисса мукъул сийгу, цIагу муниярдагу бюхттулну сийлий ларсун ачин вихьхьун цIуллушиву дулуннав, вил магьирсса карунниву каши ва кьудрат ххи хьуннав.
Цинявппагу ЧIяйннал
жяматрал цIания Аьбид ва Ашрип СултанахIмадовхъул
