Майрал 9-нний жулла паччахIлугърай хъинну хъуннасса агьамшиврий ва бусраврай кIицI лаглай бур Хъунмасса Буттал КIанттул цIанийсса дяъвилий ларсъсса Ххувшаврил 70 шинал таварих.

«Илчи» кказитрал цIанияту лабизлай буру цинявппагу буккултрайн, лакрайн, му тарихрацIун дархIусса макьалартту, дакIнийнбичавуртту тIайла дуккияра тIий редакциялийн.
БикIантIиссар ттигу цимилвагу бусансса, кIибачIинсса му дяъвилул щавщи щусса цума-цанналгу – гьуртту хьуминналгу, миннал оьрчIалгу, оьрчIал оьрчIалгу. БикIантIиссар аьч къабувнува ливчIсса шанмурцIу чагъарду – аьрая чивчуссагу, аьрайн чивчуссагу.
Чичара «Илчилул» редакциялийн зула-зула дакIний загьир хьуну ливчIмур. Гьан дувара та дяъвилул шиннардил ссихI бусса суратру!
«Илчилул» редакция