Март зурул 1-нний Къабардин-Балкьарнал республикалийсса Нальчик шагьрулий Ухссавнил Ккавкказуллал Федерал округрайсса оьрчIал ва душваврал дянив хьунни самболул первенство.
Му чемпионатрай ДР-лул сборный командалуву бия ЦIуссалакрал райондалул ДСЮШ-лиясса 2 оьрчI ва 1 душ.
Чурххал 59 килорал кIушиврийсса категориялий 1-мур кIану бувгьуну, ххувшаврищал зана хьунни ЦIуссалакрал райондалийсса ДСЮШ-рал тренер Аьйша МухIадовал хIадур бувсса спортсменка Рояна Долгатова. Утти Рояна гьуртту хьунтIиссар СКФО-рал сборный командалуву Аьрасатнаву хьунтIисса первенствалий.
