Вай гьантрай Карашрал шяраватусса МахIаммадлул арс Аьбдуллаев МахIаммадлун (Мамал МахIаммадлун) там хьунни оьрмулул 80 шин.
Му агьамсса юбилейгу барча дуллай, чIа тIий буру МахIаммадлун цIуллушиву, цIу-цIусса ххаришивуртту ва ххуй-хъиншивуртту.
Вания тинмайгу вин Заннал итабавкьусса оьрмулул бутIа бавкьусса хьуннав вила цинявппагу мурадирттацIун ва багьу-бизулуцIун.
Хъинсса бияннав хъинсса дустурая!
Дустал, гьалмахтал,
гъан-маччами, вил махъ бияйцири цинявппагу
——————————-
ДакIнийхтуну барча дуллай буру Дагъусттан Республикалул цIуллу-сагъшиву дуруччаврил отличник, хIакин-хирург Оьмардул арс ЦIинпIаев Жамалуттин ниттил увсса ххарисса кьини.
ЧIа тIий буру цIакьсса цIуллушиву, цIу-цIусса ххаришивуртту ва хъиншивуртту.
Вил даврил уртакьтал,
дустал, гьалмахтал
—————
ДР-лул медико-социальный экспертизалул цалчинмур бюрорал хъунмур, ДР-лул 
цIуллу-сагъшиву дуруччаврил отличник, лавайсса даражалул хIакин офтальмолог-эксперт ХIусманнул душ Макьсудова Лариса барча буллай буру медициналул элмурдал кандидатнал бусравсса цIанищал.
Лариса ХIусмановна хъинну грамотнайсса специалистгу, цилла даву сантирай дачин дайсса хъунмургу, жагьилминнал насихIатчигу бушаврицIун, дакI-аьмал хъинсса, инсаннал чIарав бацIан, хъиншиву дан хIадурсса инсангу бур.
ДакIнийхтуну барча буллай ина ва цIанищал, чIа тIий буру вин цIуллушиву, талихIрайсса лахъисса оьрму. Вил симандалия пиш тачIав чан къахьуннав. Ина вилацириннал, дустурал ххари буллай битаннав. ДакIнивусса цинявппагу мурадру бартлаганнав.
Вин хъиншиву чIа тIий,
виха дуаьлийсса вил даврил уртакьтал, дустал, гьалмахтал
——————-
Мартрал 22-нний, инт дайдихьлахьисса чаннасса, гъилисса гьантрай, цалва оьрмулул 75 шинал юбилей хьунадакьлай ур ГьунчIукьатIрал шяравасса Штанчаев Давуд МахIаммадлул арс.
ДакIнийхтуну барча уллай, чIа тIий буру вин чIярусса шиннардийсса цIакьсса цIуллу-сагъшиву, оьрмулуву хъиншивуртту. ОьрчIал, оьрчIал оьрчIал ххари уллай, оьрмулул уччиннин итаннав ина.
Яаннав ина хъунасса Заннал винагу, инава ххираминнангу.
Виха дуаьлийсса кулпат, арс, душру, оьрчIал оьрчIру ва махъсса цинявппагу гъан-маччами
