Шинал дайдихьулий МахIачкъалалив хьунни Карашрал шяраваллил Жяматийсса советрал батIаву. Микку ххалбигьлагьисса хьхьичIунсса мурадну бия хIакьину жяматрал хьхьичI бавцIусса агьамсса масъаларттах къулагъас даву ва иш цила ххуллу-ххуттай бартбигьлансса хIаллихшиннарду дузал даву.
З. АьбдурахIманова
Микку цала-цала чулухасса маслихIатру буллалисса махъру лавхъуна му советрал давриву мудангу чялишсса гьурттушиву дуллай бивкIсса ва дуллалисса гьалмахтурал: МахIаммадов Анаслул, Аьвдулхаликьов Жамалуттиннул, Мирзаханов Саэдлул, ХIусайнов Жалалуттиннул, Исяев Рашидлул, МахIаммадов МахIаммадлул, Башаев Русланнул ва м. ц.
Мува мажлисрай увчIунни Карашрал советрал цIусса каялувчи. Му бусравсса ва жаваблувшиву хъуннасса даву цинявппагу рязину тапшур дурунни Аьппаслул арс Къаллаев ТIагьирдуйн.
БувчIунни Советрал бюрорал цIусса членталгу:
Абакаров Башир
Башаев Руслан
Дамаев Надир
Исяев Рашид
Къаллаев Аьли
Къаллаев ТIагьир
Кьурбанов Кьурбан
МахIаммадов Анас
МахIаммадов МахIаммад
Мирзаханов Тажуттин
МутIаллимов Мирза
Оьмаров Исмяил
ХIажибуттаев ХIажибутта
ХIажиев Баттал
ХIажиев Роман
ХIусайнов Жалалуттин
ХIусайнов Захар
Шарипов Шарип
Шуаьев Эдмон
Юсупов Насруллагь
Мажлисрал ахирданий махъ лавхъуна цIуну увчIусса председатель Къаллаев ТIагьирдул. Мунал бувсуна, цинявппагу лагма лаган бувну, цува дуллан дакIнийсса давурттая. Цинявннал цIанияту барчаллагьгу увкуна ттинин Советрал председательну зий ивкIсса, жяматран мудангу бусравсса, МахIаммадов Анаслухь ва мунацIун бавкьуну мурадру бартбигьлай бивкIсса цайми-цайминнахьгу.
Къаллаев ТIагьирдущалсса гьарта-гьартасса интервью дикIантIиссар «Илчи» кказитрал цания ца номерданий.
