Дунияллул халкьуннал ниттил мазурдил кьинилун хасну, Лакрал райондалул КIулшиву дулаврил управлениялул гьарца шинал бай Дагъусттаннал шаэртурал назмурду дакIних дуккаврил конкурс. Ирглийсса аьдатравун багьсса конкурс хьунни ларгсса нюжмардийгу. Конкурс хьунни КIулшиву дулаврил управлениялул методист Камилат Буттаевал каялувшиннаралу. Муний гьуртту хьунни райондалул школарттаясса 18 дуклаки оьрчI.
Зулайхат Тахакьаева
Дянивмур даражалул школар­ттал дуклаки оьрчIал дянив 1-мур кIану бувгьунни Гъумучиял школалул 11-мур классрал дуклаки душ Буттаева ТIагьиратлул (учительница Аьлиева ПатIимат); 2-мур кIану – Хъурхърал школалул 11-мур классрал дуклаки душ Ттупчиева Тазариятлул (учительница Гъапурова Маликат); 3-мур кIану – Щардал школалул 11-мур классрал дуклаки душ Исмяилова Сонял (учительница ЦIаххаева Сивана) ва Гъумучиял лицейрал 11-мур классрал дуклаки душ МахIаммадова Саидал (учитель Исмяилов Аьвдулмажид).
Гьанусса кIулшиву дулаврил школарттал дуклаки оьрчIал дянив 1-мур кIану бувгьунни Хъунай­ннал биял бакъа школалул 8-мур классрал дуклаки оьрчI ХIасанов Султаннул (учительница ХIасанова Диана); 2-мур кIану – ШавкIуллал биял бакъа школалул 9-мур класс­рал дуклаки оьрчI Жалаев Сяидлул (учительница Какваева ДайхIанат); 3-мур кIану – Ххюлуссуннал биял бакъа школалул дуклаки душ Аьбдуллаева Калиматлул (учительница Мавраева ХIабибат ), Карашрал биял бакъа школалул дуклаки душ ХIасанова Заирал (учительница Гъазалиева Саният) ва Уриннал биял бакъа школалул дуклаки душ Гъапурова Алисал (учительница Давудова Мариян).