ДакIнийхтуну барча уллай буру жула ххирасса уртакь Аьбдуллаев Роман Анаслул арс оьрмулул 50 шинал юбилейращал!
Роман, ина ура хъинну захIмат ххирасса, ччимур даву дуван пагьму бусса инсан. ЧIа тIий буру вин цIуллу-сагъшиву, оьрмулуву тирхханну, кулпатраву талихI. ОьрчIая, оьрчIал оьрчIая неъмат ккакканнав! Ина вила дакIнийсса мурадирттайн ияннав. Вил мурччая пиш чан къахьуннав!
АрхIал дуклай бивкIми
————————————————
Циняв гъан-маччаминналгу, агьлу-авладралгу, дус-ихтивартуралгу, даврил уртакьтуралгу цIанияту барча дуллай буру Ваччиял шяраватусса Муталавл душ Увайсова Галинал оьрмулуву кIицI лаглагисса юбилей.
ЧIа тIий буру Галинан чIярусса цIуллусса шинну, цIу-цIусса ххаришивуртту ва ххуйшивуртту. Зунттал хъамитайпалун лайкьну, дакI-аьмал аваданну, тIул-тIабиаьт узданну бувтсса ва бутлатисса оьрмулийну ина хIалал бувссар жул цинявнналвагу хIурмат, вила оьрчIаясса ва оьрчIал оьрчIаясса духкъалагайсса ххаришивуртту.
Вания тиннай дичинтIими шиннугу хьуннав вил ххуй-хъиншивурттал видурцIусса, вила язи-язими мурадирттацIун даркьусса, цIуллусса! Яхъанахъу вилацириннащал талихIрай, тирххандарай!
Ина ххирацири циняв
