Европанавун ша лавсъсса лакрал культура

Европанавун ша лавсъсса лакрал культура

imag_6Ккуллал райондалийн бувкIун бия «Артей» тIисса Франциянал ва Германиянал цачIусса телекомпаниялул режиссертал ва оператортал, хасну жулла аслийсса лакрал культуралия Европанал тамашачитурахь бусан.

Ца миллатрал цамуниха лащаврива, къалащаврива гьаз хъанай бур оьрму бутаврил, лагмасса дунияллух ургаврил, багьу-бизулул,
культуралул ва эстетикалул мархри. Буниялагу инсаннал дакI муданнагу луглай дур ххуймуних, исвагьимуних. ДакI паракьат дуллалимунил, янин чIалачIимунил умуд бишин уллалиний, гьай-гьай, оьрмулул кьинирдугу жунна чаннану чIалан дикIай. Жулва зун­ттаву яхъанахъисса инсантал цаппараннал инсаниятрая архсса кIанай яхъанахъиминнан хIисав булларчагу, му зат щялусса бушиву тасттикь буллай бур гьарца оьрмулул чIуннал лахIзардаву ишла дуллансса затру вайннал цалла дуллай диркIшиврущал кIул хъана­хъиссаксса. ЦукунчIавсса инженер зумунусса кIулшиву дакъанура, му миллатрал генофондрал жувува хIасул бувсса пагьму-гьунар хъанай бур.
Вана сентябрьданул 16-нний Ккуллал райондалийн бувкIун бия «Артей» тIисса Франциянал ва Германиянал цачIусса телекомпаниялул режиссертал ва оператортал, хасну жулла аслийсса лакрал культуралия Европанал тамашачитурахь бусан. Лаккуйн бувкIун бия режиссер-оператор Лоран Сбасник, оператор Клемен Бревер, циркрал артистка Сара Шварц ва Москавлиясса таржумачи Головкова Ирина. Дурусну ва кьини 1-мур ЦIувкIрав нанисса ххуллул урчIа чулийсса, Ча­къаллал чулинмайсса ххуллучIан бияннинсса кьанив дуллай бия Дагъусттаннайн ххявхсса къачагътал ххит бувну 15 шин там шаврин хас дурсса Ккуллал райондалул шяраваллал аслийсса культуралул фестиваль.
Гьарта-гьарзану ва фестивальдания бусанна кказитрал хъиривмур номерданий.

Читайте также: