• Август зурул 12-нний Къарабудахккантуллал райондалий ВАЗ 21014 автомобильданул ялун КаМАЗ кьювчуну ххюя инсан ливтIуну бур тIий баян бунни республикалул СК-рал. ЛивтIусса ххюннаву кIива мюрщисса оьрчI бивкIун бур.
* * *
• Вара кьини Хасавюртуллал райондалий «Приора» автомобильданийн бивтун бур кIулбакъасса инсантурал. Машиналуву бивкIсса кIия адаминагу, мукьра шинавусса оьрчIгу ливтIуну бур, миннащал бивкIсса хъамитайпа азарханалийн биян бувну бур.
* * *
• Вара кьини кIюрххицIун чIумал Акушинскийл проспектрай ДПС-лул нарядрал бацIан бувну бур увччу хьусса водитель усса машина. Мугу ивкIун ур УВД-лул хъунама лейтенант Руслан Шахбанов. Полициянал машиналува уккаву тIалав байхту, хIаписар Шахбанов ярагъгу бувккун битлай улувкьуну ур. Полициянайн ва чIарах нанисса инсаннайн ккулларду щуну, ми азарханалийн биян бувну бур.
* * *
• Август зурул ацIунний ссят ацIния цара шавайсса чIумал Къизилюртуллал райондалул «Стальское» тIисса муххал ххуллул станциялул перрондалия арх бакъа республикалул ФСБ-лул ва МВД-лул органнал цачIусса спецоперация бувну бур миккусса боевиктал бугьансса мурадрай. Боевиктурал силовиктурайн цIу тIиртIуну дур, ца боевик утан хьуну бур. Му Дагъусттаннайсса боевиктураву ца яла чялишмая, цувагу Къизилюртуллал бандгруппалуву уссия тIий баян бунни Национальный антитеррористический комитетрал информациялул центрданул.
ХIадур дурссар П. Рамазановал
