Буттал улча лахьхьулт хьхьичIунминнавух

Главная страница » Буттал улча лахьхьулт хьхьичIунминнавух

otto_13Ттигъанну Дылым шяраву хьунни буттал улча лахьхьултрал республикалул 59-мур слет. Муний гьуртту хьунни Лакрал райондалиясса буттал улча лахьхьултрал команда «Лакия», цувгу сакин хьусса Щардал, Хъурхърал ва ГьунчIукьатIрал дуклаки оьрчIая. Командалий каялувшиву дуллай ия Щардал школалул директорнал хъиривчу Юсуп АмирхIамзаев, тренер – Хъурхърал школалул ОБЖ- лул учитель Алик ХIасайниев.

Лакрал райондалул команда гьуртту хьунни слетрал цинявппагу этапирдай: туризмалул техника ккаккан давриву, краеведениялуву.
Команда хьхьичIунну дур­ккунни вай журардаву: «Контрольно-туристический маршрут» — «А» классраву бувгьунни цалчинмур кIану; кказитирттал конкурсраву бувгьунни шамулчинмур кIану; цIигьуртурал конкурсраву бувгьунни цалчинмур кIану; туристурал бюхъурду ккаккан бавриву бувгьунни кIилчинмур ва шамулчинмур кIантту. Цинявппагу этапирттаву лакрал буттал улча лахьхьултрал ккаккан дунни цалла усттаршиву, дайшишрурду духIан бюхъаву, топографиялул карталущал зун бюхъаву.
Слетрал аьмсса хIасиллайн бувну, Лакрал райондалул цачIундур командалул бувгьунни шамулчинмур кIану.
Лакрал райондалул буттал улча лахьхьултрал команда гьарца шинал гьуртту шайссар республикалул слетирттай. Махъсса шиннардий му дурккунни «В» классрава «А» классравун ва лув-ялув бувгьунни шамулчинмур кIантту.

Авторизация
*
*
Регистрация
*
*
*
Генерация пароля