МахIачкъалалив май зурул 27-нния байбивхьуну июньдалул 5-ннийн бияннин най бия «Автобус» операциялул цалчинмур этап. Ва операциялул лагрулуву МахIачкъала шагьрулул УВД-лул ГИБДД-лул зузалтрал хъуннасса къулагъас дия автобусирттал шупIиртурал ххуллул низам дуруччаврих, цинявгу журалул автобусирттай пассажиртурал мюхчаншиву дузал даврих.

Ци чаранну ляхъларчагу, Госавтоинспекциялул зузалтрал, пассажиртал бувцуну заназисса транспортрал масъала ххуйну бакъар. Мукунсса транспорт хIаласса аварияртту ляличIинура чIяру хъанай дур гъинттул чIумал. Республикалий чIяру хьуну дур автобусру хIаласса чIявусса бала-апатIру хьусса ДПТ-тту. Мукунсса иширттал хъунмур багьана хъанай бур шупIиртал анаварну нанаву, цаннаяр ца хьхьичIун буккан кьаст лахIлахIаву. Автобусру хIаласса ДТП-тту чIяру хьуну дур, мукунна, республикалийн хъунмасса хIаллай, 8-10 шинай занай бивкIсса чIун ду­ккавайсса микроавтобусру бувцуну букIлакIаврицIун бавхIуну. Ми автобусирттал техникалул тагьар тIалавшиннардацIун даркьусса дакъар. Ми занай бур лицензияртту дакъана.
Ва тагьар хIисавравун ларсун, аварияртту хьун къаритаву, ми чан даву мурадрай, щаллагу республикалий кунма, МахIачкъалаливгу май зурул 27-нния байбивхьуну июньдалул 5-ннийн бияннин най бия «Автобус» операциялул цалчинмур этап. Ва операциялул лагрулуву МахIачкъала шагьрулул УВД-лул ГИБДД-лул зузалтрал хъуннасса къулагъас дия автобусир­ттал шупIиртурал ххуллул низам дуруччаврих, цинявгу журалул автобусирттай пассажиртурал мюхчаншиву дузал даврих, техникалул чулуха саргъун бакъа­сса, техосмотр дакъасса автобусру занан къабитаврих. «Махачкалатранс», «Махачкалатранс-1», «Махачкала-Экспресс-Пира­мида», Кьиблалул автостанция, Ухссавнил автостанция, Автостанция РДР пассажиртурал автопредприятиярттал ххалбигьавуртту дурну, саргъун бакъасса автобусру занан бивтун тIий административ жаваблувшиннарайн кIункIу унни 21 къуллугъчи. Операция нани­ссаксса хIаллай автобусирттал шупIиртурал ххуллул низам лирсса 145 иш ялун личин бунни. Миннувух автобусирттай ххишаласса щябикIансса кIанттурду бивхьусса – 12 иш, автобусир­ттаву уттубишинсса кIанттурду бувсса – 20 иш, пассажиртал щябикIайсса кIанттурдай мюхчан байсса мухIулттив дакъа­сса – 10 иш, ГОСТ 5А27-88-рал тIалавшиннарду къадурурччуну пюрунт цIан бувсса – 21 иш, рейсрай букканнин хьхьичI щупIирнал медосмотр къадур­сса – 17 иш, рейсрай букканнин, техосмотр къадурсса – 17 иш, цайми саргъундакъашивуртту дусса – 41 иш. Му бакъассагу, пландалувун къадагьлагьисса ххалбигьавуртту дунни идарар­ттай ва предпринимательтурачIа. Ялун лирчусса саргъундакъашивуртту дукьан дансса 6 предписание чирчунни.
ХIурмат бусса автобусирттал шупIиртал! ЛичIлулну бикIияра ххуллий, хъамамабитару чIявусса инсантурал оьрмурду зулва биялдаралу бушиву! Ххуллухъин баннав.
Муслим Юнусов, технадзорданул отделениялул хъунама