МахIачкъалалив «Аьрасат – Ттул тарих» тIисса Тарихийсса паркраву тIиртIунни «Фронтовой портрет. Судьба солдата» тIисса цIанилусса мультимедий выставка.
Мунил лагрулий ккаккиялун дирхьуну дур Буттал КIанттул цIанийсса Хъунмасса дяъвилул шиннардийсса художниктурал аьрали кказитирттал редакциярттан куну графикалул зумувну щаллу дурну диркIсса суратру. Выставкалий Хъун дяъвилул талаталтрал суратру цIусса журалий – цифровой форматрай дирхьуну дур, суратрайн кIисса щайхту, му «сагъ хьуну», аьраличунаясса информация ххал буван бюхълай бур.
Ва выставка хъанахъиссар Аьрасатнал Поисковиктурал суккушиндаращалсса уртакьшиврийсса давуну.
— Уттинингу Тарихийсса паркирдал ассоциациялул ва Аьрасатнал Поисковиктурал суккушиндарал цачIуну щаллу дурссар «Имена солдатских медальонов» тIисса проект. Ва цIанамур выставка хъанахъиссар цачIусса кIилчинсса давуну, — тIий буслай ур Тарихийсса паркрал директор Тимур Велиханов.
Бадрижамал Аьлиева
