Миллатрал балайлул байран

ДР-лул Культуралул министерствалул, Республикалул Халкьуннал творчествалул къатлул, Бабаюртуллал райондалийсса Аслийсса культуралул центрданул сакиншиндарайну, октябрьданул 8-нний Бабаюртуллал шяраву хьунни миллатрал балайлул «Шавла» тIисса цIанилусса Республикалул IХ фестиваль.


Ва хьунни Аьпалул ва славалул шинал лагрулий.
ЦIанасса къулай дакъасса санитар-эпидемиологиялул тагьаргу хIисавравун ларсун, фестиваль хьунни манзилданий, яни дистанцион журалий. Фестивальданий гьуртту хьунни Бабаюртуллал, Буйнакскаллал, Къарабудахккантуллал, Сергокъалаллал, ЦIуссалакрал, Нугъайнал, Тарумовкаллал, УнцIукIуллал, Хасавюртуллал районнаясса ва Къизлар ва Южно-Сухокумск шагьрурдаясса творчествалул коллективру ва таксса балайчитал.
Фестиваль дуллалиссар халкьуннал балайлул ирс буруччаву ва Дагъусттаннал миллатирттал дянивсса дусшиву цIакь шаву мурадрай.

Бадрижамал Аьлиева

Читайте также: