[dropcap]Ж[/dropcap]ула Дагъусттаннал агьлу ляличIинува сахаватлувсса, цаннал чIарав ца бацIан анавар буккайсса бушиву чIалачIи бунни цIанасса коронавирусрал пандемиялуцIун дархIусса тагьарданулгу.
Жунма чIалай бур хIакьинусса кьинигу циксса фондру, суккушиннарду, волонтертал, цивппа-цивппалусса инсантал цукун чялиш бувккун щуруй буссарив захIматсса тагьардануву ливчIминнан кумагру буллай.
Андриана Аьбдуллаева
Ххаллилсса даву дунни бугьарасса, кьатIув буккан къахъанахъисса инсантуран, ахIвал кIюласса кулпатирттан кумаг баву мурадрай Аьрасатнал ПрезидентначIасса Дагъусттаннал вакилханалул инсаннал ихтиярду дуруччаврил комиссиялул член Разита Мушидовал, «Опора России» тIисса хъаннил предпринимательство хьхьичIуннай даврил комитетрал хъунаманал хъиривчу, МахIачкъалаливсса «Аьрасатнал нинухъру» суккушиндарал председатель Сефижат МахIаммадрасуловал, Аьрасатнал «Знание» обществалул Дагъусттаннайсса отделениялул директор, физикалул ва математикалул элмурдал кандидат Саид Ниналаловлул.
Ххаллилсса даву дунни бугьарасса, кьатIув буккан къахъанахъисса инсантуран, ахIвал кIюласса кулпатирттан кумаг баву мурадрай Разита Мушидовал, Сефижат МахIаммадрасуловал, Саид Ниналаловлул. Коронавирусрал пандемия сукку хьусса гьантрайва, март зурул 30-нния байбивхьуну, хIакьинусса кьинигу найнма бур вайннал буллалисса чирилул акция. ЧIирисса чIумул дянив кумаг бунни 1700 кулпатран.
Коронавирусрал пандемия сукку хьусса гьантрайва, март зурул 30-нния байбивхьуну, хIакьинусса кьинигу найнма бур вайннал буллалисса чирилул акция. ЧIирисса чIумул дянив кумаг бунни 1700 кулпатран. Вайннал сипталий сукку дурсса чирилул акциялувух хIала бувххунни республикалул бизнесрал ккураннал, хъаннил предпринимательство хьхьичIуннай даврил Дагъусттаннал корпусрал вакилтал, «Лидеры России-2020» каялувчитурал конкурсрай гьуртту хьусса дагъусттанлувтал, жяматийсса организациярду.
«Волонтеры знаний» тIисса кIулшивуртту дулаврил проектрал лагрулий акциялуву гьуртту хъанахъиминнал оьрчIру уква хIадур буллай бур ЕГЭ-рдайн ва ОГЭ-рдайн.
Акциялул гьурттучитал дуки-хIачIиялул кьуцурттащал бивунни Сириянава ва Иракьнава зана бувсса оьрчIачIан, ми кьамул бувсса кулпатирттавун.
«Волонтеры Победы» суккушиндарал вакилтал дука- хIачIанмур, даруртту ва чара бакъа аьркинмур дирхьусса кьуцурттащал бивунни МахIачкъалаливсса ветерантурачIан. Ца ветераннал тавакъюрайн бувну мунал квартиралуву дунни ремонт. Му бакъассагу, вайннал диян дунни азарханардайн медперсонал мюхчан хьунмур. Изоляция дайдирхьусса гьантрайва кIул бувну, кумаг аьркин багьлагьисса дуклаки оьрчIал, детсадирттайн заназиминнал, учительтурал ва тарбиячитурал сияхIру дунни. Ми гьарначIангу биян бувссар дуки-хIачIия дусса кьуцуртту.
— Кумаг бувара тIий мудан жуйн буккайссар даву дакъа ливчIсса ва цамур кумаг аьркин багьлагьисса детдомрал выпускниктал. Жу хIарачат бару миннангу кумаг бан.
МукIрура, захIматшивурттах къабурувгун жура лайкьну, ссавурданий лахъаншиврий ва кьини. ЗахIматшивурттал жува хъиннува цачIун баншиврий, гъан баншиврий. ДакIниву ца тIааьншиву дур, захIматсса тагьарданий инсантал кувннал чIарав кув бацIлацIисса куц чIалай. ХIакьинусса кьинигу жуйн барчаллагь тIий оьвтIийнма бур. Чирилул акция уттигу найнма буссар, — тIий, буслай бур Разита Мушидова.
Мяйжаннугу хъуннасса даву дунни ва дуллайнма бур ва захIматсса чIумал цала сипталий вай инсантал. Барчаллагьри. АллагьначIа кьамулну лякъиннав.
