[dropcap]Д[/dropcap]агъусттаннай цIуницIа баян бунни педагогикалул давриву хьхьичIунсса ккаккияртту хьун дур­сса учительтуран арцуйнусса премия дулунтIисса конкурс.

Ва гьар шинах баян бувайсса конкурсри. Гьуртту хьун бучIину бур учительнал даврил шанна шинаяр чан бакъасса стаж бусса учительтуран. Конкурсрайн­сса регистрация дайдишинтIий дур ва зурул 14-нний, июль зурул 6-нний конкурсрал хIасиллу дувантIий бур.

Арцуйнусса премияртту дулунтIий бур 31 финалистнан. Ххув хьуми барча бувантIий бур Учительнал кьинилун хасну. Конкурсрай гьуртту хьун ччиминнал балжий­сса информация ххал бувара Дагъус­ттаннал КIулшиву дулаврил ва элмулул министерствалул сайтрай. Ххув хьусса зувиллий цаннавух лакралми учительтал гьарзану ля­къиннав. ТIайлабацIу буваннав!

ХIадур бувссар
П.Рамазановал