[dropcap]С[/dropcap]ентябрьданул 18-нний ДР-лул БакIчинал ва ХIукуматрал администрациялул Каялувчи Владимир Ивановлул
дунни 2019 шинал муниципал сакиншиннардал лябуккулул проектру бартдигьаврил хIакъиравусса батIаву.
Видеоконференциялул низамрай муниципалитетирттал бакIчитуращал ххал бивгьунни «Ттул Дагъусттан – ттул щин», «Ттул Дагъусттан – ттул ххуллурду» ва «Ттул Дагъусттан – шагьрурдал къулайшивурттащалсса кIанттурду» тIисса проектру бартдигьаву.
2019 шинал ДР-лул бюджетравату личIи дурну диркIссар 1,7 миллиард къуруш муниципалитетирттайсса халкь хIачIайсса щинал дузал баншиврул.
Миннух цIунугу бувну бур ва цIу буккангу бувну бур щинал щаллу буллалисса 30 объект, миннува 25 зун тIий бур гьашинува. Аьмну лавсун 50 шяравусса ва шагьрулийсса инсантал дузал бан най бур ххуйсса хIачIайсса шинал.
Гьашину республикалул доходирттавату 770,8 млн. къуруширттал итадаркьуну дур республикалул муниципал сакиншиннардал ххуллурду бакьин буван. Миннух бакьин батIий бур 179 муниципал кучарду ва ххуллурду.
Гьашинусса шинал ахирданийнин федерал бюджетрал арцух республикалул 39 муниципал сакиншиндалий дузал дантIий дур 14 къатрал хIаятру ва 207 жяматийсса кIанттурду.
БатIаврий масъалалул хIакъираву махъру лавхъунни проектирдал координатортурал ва цаппара муниципалитетирттал бакIчитурал.
Владимир Ивановлул жаваблувминная тIалав бунни давуртту цила чIумал къуртал дуван.
ХIадур бувссар
ХI. Аьдиловлул
