Республикалул Роспотребнадзорданул управлениялул бувсмунийн бувну, гьашину Дагъусттаннал 51 лагерьданий игьалавгун ур аьмну 18 000 дуклаки оьрчI.
П. Рамазанова
Лагерьданий лахъай азарду ппив хьусса ишру хьуну бакъар, циняв оьрчIру, ххуйну бигьагу лавгун, шаппа-шаппай зана хьуну бур. Санитар диялдакъашивуртту сававну 300 протокол чичин багьну бур, 840 азарда къуруш аькIлун дишин багьну бур. ХъунмурчIин диялдакъашивуртту диркIун дур дуки-хIачIия ядаврил кьараллу къадурурччусса, багьайкун миннул ялув бацIаву къадурсса.
Лагерьдай зузими букьан бан багьаврил сававгу хьуну дур ми медосмотр къадурнура, медициналул книжкартту бакъанува зий лякъаву — укунсса ва вайннухара лархьхьусса диялдакъашивуртту ялунчIинсса сезондалий тикрал къахьуншиврул.
