Ссихьри даврил дарсру

Кулпатран ва оьрчIан социал кумаг баврил центрданий хьунни ссихьри даврил мастер-класс, Республикалул Халкьуннал творчествалул къатлул сакин бувну.

Шиккува кIицI лаган, ва идаралул чIун-чIумуй личIи-личIисса мастер-классру бувайссар, Дагъусттаннал халкьуннал канил пишарду, сянатру хъамакъаритаву, цIулаган даву мурадрай.


Синааьрщарая ссихьри дуллалими мастер-классру ччянива ххира хьунни оьрчIан. Ми, чIявучин, бувайссар жула ла­кку душнил, Ахъушиял райондалийсса Хъюллал шяравасса Зугьра Гьаруновал. Ва ххуллухгу, муданна кунна, дарчIунни Зугьрал оьрчIайх цанна-цаннасса синааьрщи, бувсунни цукун ци дуван аьркинссарив.

Каниву аьрщигу дирхьуну, ссихьрал усттарнал бувчIин бунни ва хъанай душиву хIадур хьун дурасса, цал­сса усттарнал хияллавусса ссихьу. Бувсунни оьрчIахь ссихьу дурну къуртал хьуннин ласайсса гьарцагу шаттирая, яла ккаккан дунни цилла дурсса ссихьри.

ОьрчIру дуллан бивкIунни ссихьри, цавайннал цала тта­ттаха лархьхьусса, гайминналсса – амуха, дадаха, ссиха. Гьарцагу ссихьул – цилва тарих.
Мастер-классрай рязину ливчIунни оьрчIругу, усттар цуппагу.

ХIадур бувссар
Бадрижамал Аьлиевал