[dropcap]М[/dropcap]айрал ахирданий МахIачкъала шагьрулул 37-мур школалул дуклаки оьрчIру ва душру хьунабавкьунни лакрал машгьурсса чичу, шаэр Ссугъури Увайсовлущал.
[dropcap]В[/dropcap]а школалий чIярусса шиннардий лакку мазрал дарсру дихьлай бур Парамазова Умамат. Ва ххуллухгу ванил цил багьайкун хIадур бувну бия 2-мур ва 3-мур классирттал дуклаки оьрчIру хьунабакьаврийн. ОьрчIащалсса ихтилатраву шаэрнал бувсуна цаятува, цалла творчествалия, бувсуна цува щала оьрмулухун чичлай ивкIшиву ва чичлайна ушиву мюрщи оьрчIансса назмурду, хаварду ва магьри.
[dropcap]Ш[/dropcap]аэр мукIру хьуна цавува бушиврий сурат дишаврил чулухунмайсса ца цамур чIиви-хъунсса пагьму. Мунал цащалла ларсун дия цалла личIи-личIисса чIумал дирхьусса суратру. Миннувух дия Дагъусттаннал цIа дурксса чичултрал суратругу: Расул ХIамзатовлул, АбутIалиб Гъапуровлул, Юсуп Хаппалаевлул, Руслан Башаевлул ва цайминнал суратру. Бувсуна цалла дирхьусса суратирттал ца выставка дангу дакIний ушиву.
ОьрчIал дурккуна Ссугъури Увайсовлул луттирдавасса личIи-личIисса назмурду. Хьунабакьаврий гьуртту хьуми циняв рязину ливчIуна.
Нарисат Узунова
