[dropcap]В[/dropcap]ай гьантрай Аьрасатнал Шяраваллил хозяйствалул министерствалий ххал бивгьунни Дагъусттаннал агропромышленностьрал комплексрал давуртту лядуккан даврил хIакъиравусса масъалартту.

[dropcap]М[/dropcap]икку гьуртту хьунни ДР-лул шяраваллил хозяйствалул министр Аьбдулмуслим Аьбдулмуслимов. БатIаву дачин дурну ия АьФ-лул шяраваллил хозяйствалул министрнал цалчинма хъиривчу Жамбулат Хатуов. Мунал профил­сса департаментирттал директортурайн тапшур бунни Дагъусттаннал шяраваллил хозяйствалун хасну щаллусса стратегиялул программа хIадур дуван. Му программалийн чул бивщуну яла гъансса шиннардий республикалул АПК лябу­ккан буллантIиссар.

Аьбдулмуслимовлул бувсунни респуб­ликалул шяраваллил хозяйствалийсса тагьардания, хьхьичIуннайшивурттая ва захIматми кIанттурдая, Аьрасатнал шяраваллил хозяйствалухь чIа увкунни маслихIатрайнусса кумаг баву.
БатIаврий ляличIисса къулагъасрайн лавсунни региондалий дукиялул ва переработкалул промышленностьрал давуртту щирикIин даврил масъалартту.

Ххал бивгьунни мукунма ветеринариялул ва шяраваллил хозяйствалул кооперативру дузал баврил масъаларттугу. Аьрасатнал Шяраваллил хозяйствалул бакIрайн лавсунни республикалул АПК-лун кумаг бан.
ХIадур бувссар ХI. Аьдиловлул