[dropcap]М[/dropcap]артрал 18-нний МахIачкъалаллал 1105-мур бувчIавурттал участокрай (ДГУ-раву) чIу буллунни региондалул ХIукуматрал Председатель Артем Здуновлул.

Журналистътуращалсса ихтилатраву премьер-министрнал бусаврийн бувну, Аьрасатнал Федерациялул гьарца инсаннахь ихтияр дур цана ччима кандидатнахлу чIу булун: «Жува дурчIлачIиссару власть, жува язи бугьлагьиссару яла гъансса чIумалсса политикалул ва экономикалул ххуллу-хха. Гьарцаннахь дуссар му ихтияр ва му ихтияр дузрайн дуккан дувангу аьркинссар. Ттул пикрилий, инсантуран ччай бур цалва чул язи бугьан ва ччиманахлу чIу булун, мукун бангу аьркинссар», — увкунни А. Здуновлул.
Вара участокрай чIурду буллунни Дагъусттаннал БакIчинал кIанайма Владимир Васильевлул, ДР-лул ПаччахIлугърал советрал хIурматрайсса Председатель МахIаммадаьли МахIаммадовлул, ДР-лул цалчинма Президент МухIу Аьлиевлул ва цайминналгу.

ХIадур бувссар ХI. Аьдиловлул