ЦIуссалакрал райондалий, ЦIуссаккуллал шяраву хьунни террорданийн къаршисса комитетрал батIаву. Шикку гьуртту хьунни райондалул ва шяраваллал каялувчитал, ихтиярду дуруччай структурардал вакилтал.

Ххал бивгьунни райондалул мюхчаншиву дуруччаврил, терроризмалул ва экстремизмалул ишру хьун къабитансса чаранну лякъаврил масъалартту.
Махъсса ппурттуву райондалий хъанахъисса цинярдагу мероприятиярттай чялишсса гьурттушинна дуллай, жагьилтурахь насихIатрайсса ихтилатру буллай, ми спортрахун ва цаймигу мюнпатсса давурттахун бичинсса хIарачат буллай ур Республикалул Халкьуннал Мажлисрал депутат Амирхан Амирханов.

А. Аьбдуллаева