ДР-лул КIулшиву дулаврил ва элмулул министерствалуву бувсъсса куццуй, жулла республикалий зий байбихьлай бур оьрчIал садикирттавунсса электрон журалийсса яржа (очередьру).

Бадрижамал Аьлиева
Утти нитти-буттаща цала оьрчIал цIа садикрайн наниминнал сияхIраву чичин бюхълай бур шаппату кьатIув къабувкна, gu.dagminobr.ru сайтрайн був­ххун, заявка дуллуну. Гихунмайгу нитти-буттаща миккува буруг_лан бюхълай бур цала яржа чун бивну бурив.
ЦIанасса чIумал ДР-лул КIулшиву дулаврил ва элмулул министерствалул дурну къуртал дуллай бур дошкольный кIулшиву дулаврил организациярдай каялувшиву дайсса автоматизированный информацион система ишакаш даврил ялувсса давуртту («Электронная очередь»).
«Электрон очередьрай» оьрчIал цIа чичин бучIину бур оьрчI бувайхтува, садикравун оьрчI ци оьрмулува тинмай лавгун ччай буссаривгу ккаккан бувну.
Щалва Аьрасатнаву ва сис­тема зий дайдирхьуссар 2014 шинал 1-мур январьдания тиннай, щаллуну зийрив дайдишин аьркинну дусса дур 1-мур апрельдания тиннай.