Уттигъанну М. Джемаллул цIанийсса Да­гъусттаннал художествалул училищалул студентътал хьунабавкьунни республикалий ва Аьрасатнаву цIа ларгсса художниктуращал — АьФ-лул лайкь хьусса художник, ДАССР-лул халкьуннал художник, АьФ-лул Художниктурал союзрал член, ДГПУ-рал художествалул ва графикалул факультетрал живописьрал кафедралул профессор Хайруллагь Кьурбановлущал ва РСФСР-данул лайкь хьусса художник, скульп­тор, АьФ-лул Художниктурал союзрал член, ДГПУ-рал художествалул ва графикалул факультетрал живописьрал кафедралул профессор Гейбат Гейбатовлущал.

Ва хьунабакьаврил сакиншинначиталну хьунни МахIачкъалаллал шагьрулул депутатътурал мажлисрачIасса Жагьилтурал парламент.
Жагьилтурал цIанихсса художниктурахь цIуххинмур къачанъя ва хьунабакьаврий, миннал оьрмулул ва творчествалул муттарду жагьилсса никиран эбратранссагу бухьувкун, жагьилсса ник тарбия давриву, махъа нанисса никиравасса гьунар бусса оьрчIал «хъару сивсуну тIитIин давривугу» вайннал бугьлагьисса кIану хъинну хъунмасса бухьувкун.
Ва хьунабакьаврий кIиягу художникнал давурттал презентациягу хьунни. Ахирданий жагьилтурал художниктуран тIутIив ва луттирду буллунни.