Октябрь барз баян бувай Бугьараминнал барзну. Мунийн бувну Ккуллал райондалий му барз лавгунни бугьараминнащалсса хьунабакьавуртту дуллай, гайннал шаппайн лавгун, къатта-къушливусса кушурду буллай, шяраваллал администрациярттал ссупра тIивтIусса хьунабакьавуртту дуллай.
ХIурмат бусса Аьвдулмажид Варисович! ДР-лул 12-мур округрал избирательтал дакIнийхтуну барча дуллай бур вил юбилей. Ина бивтсса оьрмулул ххуллу дахIалай чинсса бур. Вила хъунмасса бюхъулийну, захIмат ххирашиврийну, цумур-цагу масъала усттарну бартбигьин шайсса ушиврийну ина мудангу чIумул хьхьичIмур ххуттайх ша ласлай нанисса ура.
Бявкъу-гъили хъанахъавуртту дайдишайссар гьава баххана хъанахъисса, гъараллу лачIлачIисса ссутнил чIумал. Бявкъу-гъили хьуну къашай шайссар цинявппа халкь, амма цавай – цал-цал, цавайгу гиччава гиккун – чIа-чIаннин.
Октябрь зурул 28-нний Ккуллал райондалийсса шяраваллаву дунни инсантурал цала хIаятру, кIичIиртту, идарарттал лагмасса кIанттурду марцI буллалисса субботник.
Жу уттинингу бувсъссия жулва кказитрай Гъумук щинавун оькьлакьисса 5 шинавусса оьрчI ххассал увсса виричусса душваврая: Муслимова Аминая ва Садикьова Аидая. Ноябрьданул 1-нний вай душваврайн оьвкуну бур Москавливгу, Аьрасатнал ПрезидентначIасса Дагъусттаннал постпред Изумруд МухIуттиновал душвавран Постпредствалул цIаниятусса Барчаллагьрал чагъарду буллуну бур.
Октябрьданул 27-нний Каспийскалий шагьрулул хъунмур библиотекалуву хьунни Дагъусттаннал халкьуннал шаэр Юсуп Хаппалаевлун 100 шин шаврин хас дурсса литературалул вечер. Мунивух гьуртту хьунни шаэрнал даврил уртакьтал ва гъан-маччами, мунащал дусну бивкIми, Энергетический колледжрал студентътал ва шагьрулул школарттал дуклаки оьрчIру.
Хъунмасса барчаллагьращал кьамул бунни Гъумучиял школалул дуклаки оьрчIал ва учительтурал «Дараччи» клубрал хъунмур Илиясова Мариян ЧIибиевнал гьан бувсса луттирду. Ми бур урувгнан буккин гъира багьанну бувсса,
Караматсса дур жула лагма-ялттусса тIабиаьт. Караматсса бур мунил жунма буллалисса неъмат. Му неъмат жува, лакралгу, цайминналгу цукун ишла буллалиссарув кIул баву – мугу къулагъас къадансса зат бакъар.
Иссиявтрал минану хъанай бур Индия. ХьхьичIава, 1800-ку шиннардийн бияннин иссиявт бивкIссар хъинну ххирасса, так аваданминнаща бакъа ласун къашайсса чIюлушиннану.
Октябрь зурул 15-нний Ваччав хьунни шяраваллил хозяйствалул бакIлахъия дахлахисса ярмукIа. Райондалий зий дур 184 агрохозяйство, миннуву 20 СПК, 164 хъудугьул фермернал хозяйство дур.
