ЦIусса шинацIун дархIуну «Полицейский Дед Мороз» цIанилу Щалагу Аьрасатнаву дуллалисса акциялул лаг­рулий, Дагъусттаннал виваллил иширттал министр, полициялул генерал-лейтенант Аьвдурашид МахIаммадов ва МВД-лул зузалт бивунни Ленинкантливсса школа-интернатрайн. ОьрчIал ххарину кьамул бунни бусрав­сса хъамал. Ялун нанисса ЦIусса шинал байрандалун хасну чIюлу бувну бия интернатрал классру ва актовый зал. Аьвдурашид МахIамма­дов­лул, оьрчIахь ва тарбиячитурахь ЦIусса шингу барча дурну,...

Дагъусттаннал халкьуннал парламентрал ларгсса арвахIкьини хьусса ряххилчинмур сессиялий цIакь бунни 2022 шинал бюджет. Закондалул проектрая буслай, бюджетрал, финансирттал ва налогирттал комитетрал хъунама Марат Илиясовлул кIицI лавгунни хъунмур къулагъас душиву кIулшиву дулаврил, социал иширттал, цIуллушиву дуруччаврил ва спортрал къайгъурдах. Республикалул финансирттал министрнал буржру бартбигьлагьисса Аьли Исламовлул бувсунни кIулшиву дулаврин харж дуванмур ххи дуршиву 4,1 миллиардрал, миннуватугу...

Президент Владимир Путиннул Москавливсса пресс-конференциялий Дагъусттаннай­сса газрал, ттукIрал ва щинал ма­съалартталсса буван махъ буллунни. «Дагестан» РИА-лул каялувчи МахIаммад МахIаммадовлул буллунни республикалийсса энергетикалул кризисрацIун бавхIусса суал, щинал ва ттукIралсса буллалисса коммерциялул структурарду низамрайн дуциншиврул федерал центрданул кумаг аьркинни тIисса. – Махъ буллай ура му иширал хъирив лаян. Россетирдал хасъсса подразделенияртту духьун­ссар микку. Щинал дузалшиндарал хIакъиравурив, республикалул...

[pullquote]Гьуртту хьунни 507 журналист[/pullquote] Декабрь зурул 23-нний Аьра­сатнал Президент Владимир Путиннул, журналистътурал суаллахьхьун жавабру дулай­сса, гьар шинах дувайсса пресс-конференция хьунни. ДукIумур пресс-конференция коронавирусрал пандемия сававну видеосвязьрал журалий дурссия, гьашину Москавуллал Манежрай дунни. Пресс-конференциялий гьуртту хьунни 507 журналист. Бусанну гьашинумур пресс-конференция 17-мур хъана­хъишиву. Буллай буру ва пресс-конференциялиясса цаппара суаллу ва Президентнал жавабру язи дургьуну, цахъи кутIагу...

Ларгсса тталаткьини республикалул захIматрал ва социал развитиялул министр (врио) Изумруд МухIуттиновал «Единая Россия» партиялул приёмнайлуву кьамул бунни цалва масъаларттаягу бусан, кумагралгу хъирив бувкIсса инсантал. ЧIявуми «Социальный контракт» проектрацIун бавхIусса масъаларттащал бувкIсса бия. Масалдаран, проектрал кабакьаврийну репетиторшиву дуллалисса Анатолий Русидзел цанма гихунмайгу кумаг аьркиншиву бусайхту, ванан маслихIат бунни, министерствалул грантирттал программалийн бувну, дарсру дихьлан мушакъатсса (ОВЗ)...

Декабрьданул 14-нний Дагъусттаннал БакIчи Сергей Меликовлул ххал бивгьунни республикалий агьали ттукI лешлай, къатраву гъилишивугу, гъили щингу дакъа азурдану бушивруцIун бавхIусса масъалартту, мукунма коронавирус къадиянсса чараннал ва низамрал хIакъиравусса масъаларттугу. Дагъусттаннал ЦУР-данул (Центр управления регионом) каялувчи МахIаммадсултан Аьбдуралимовлул бувсунни ноябрь зурул 23-нния декабрь зурул 13-ннийн бияннин сайки шаназарва аьрза бувкIшиву агьалиная кIай ялув кIицI лавгсса масъаларттацIун...

Аьдатравун дагьсса куццуй, Дагъусттаннал Виваллил иширттал министерствалул гьашинугу тIайла дурккунни цIусса шинал бахшишру Донецкаллал ва Луганскаллал республикардал ОВД-лул зузалтрал оьрчIан. Чирилул акциялуву гьуртту хьунни Дагъусттаннал виваллил иширттал министр, полициялул генерал-лейтенант Аьбдурашид МахIаммадов, ванал хъиривчутал, подразделениярттал каялувчитал, жяматийсса советрал вакилтал ва ведомствалул зузалт. НацIу-кьацIу ва школалул кьай дусса азарунния лирчусса бахшишру дучIантIиссар цIусса шинайннин Донецкаллал ва...

Гьарица шинах, декабрь зурул 15-нний, Аьрасатнаву дакIнийн бичайссар къуллугърал буржру биттур буллай жанну дуллусса журналистътал. Ва кьини кIицI дуллансса хIукму хьуссар Аьрасатнал Журналистътурал союзрал сипталий 1991-ку шинал декабрь зурул 11-нний Югославиянал билаятрай Аьрасатнал телевидениялул корреспондент Виктор Нагин ва оператор Геннадий Куренной ливтIусса чIумал. Дагъусттаннай чIявусса журналистътурацIухсса бунни 90-ку шиннардил ахирдания, цIусса ттуршукулул дайдихьулийн дияннинсса чIумуву....

СоцсетирдайхчIин вай гьантрай Республикалул БакIчи Сергей Меликовлуйн бувккун бия Лаващиял райондалиясса хъамитайпа, яруннал мушакъатшиву дусса цила душнин дарсру лахьлан кумагрансса ноутбук пиш-каш бувара тIисса тавакъюрай. Бувния шийнмай Маликат Айгубовал дур катаракта ва яруннал нервардал атрофия дусса диагноз. ЧIивисса душнил дарсру куртIну лахьлансса хиялдания цанма кIул шайхту, Сергей Меликов махIаттал хьуну ивкIун ур. Республикалул БакIчинал хIукму...