Дагъусттан Республикалул ХIукуматрал председатель Аьбдулмуслим Аьбдулмуслимов хьунаавкьунни Культуралул министерствалул коллективращал. Премьер-министрнал вичIи дирхьунни ведомствалул дуллалисса давурттал, хьхьичIу­ннайшивурттал, культура дуруччавриву, хьхьичIуннай дав­риву хьунадакьлакьисса захI­матшивурттал ялувсса ихтилатрах. Республикалул Культуралул министерствалул коллективран хасну бувсса цалвамур ихтилатраву ванал кIицI лавгуна культура ядавриву, махъа нанисса никиран багьайсса даражалул пишакарсса кIулшивуртту дулавриву цуксса бунияласса жаваблувшинна ду­ссарив ведомствалий. Ведомствалул каялувчи Зарема Буттаевал...

Дагъусттаннал Экономикалул министерстволул зузалтращалсса хьунабакьаврий ДР-лул ХIукуматрал Председатель Аьбдулмуслим Аьбдулмуслимовлул кIул бунни министерстволул коллектив цIусса каялувчи ХIажи Султановлущал. Ва экономикалул министрну итансса хIукму бувшиву Дагъусттаннал БакIчи Сергей Меликовлул бувсуна агьамсса масъаларттал хIакъиравусса оператив совещаниялий. Премьер-министрнал кIицI лавгунни ХIажи Султановлул ва къуллугъ бачин бансса опытгу, даражагу бушиву. Ванангу тIайлабацIу чIа увкуну, барчаллагь увкунни къуллугъ чIумуйсса бачин...

ТтурчIиял шярава­сса Ма­хIаммадлул арс Нуру­ллагь Мирзоев ккалли ан бучIиссар ЦIу­ссалакрал райондалул цIу­ллу-сагъшиву дуруччаврил бакI­щаращуй ивкIсса хIакиннан. 1944 шиная айивхьуну, райондалул азарханалул хъунама хIакинну зий, лахъсса даражалийн гьаз бувссар ванал райондалул азархана. Хъунмасса Буттал кIанттул цIанийсса дяъви байбишин хьхьичI гьантрай ЯтIул дипломрай медициналул институтгу къуртал бувну, терапиялул кафедралул аспирантуралувун уххан хIадур хъанахъи­сса Нуруллагьлуйн аьрайн повестка дуркIун...

Дагъусттаннал БакIчи Сергей Меликовлул каялувшиврийну хьунни Дагъусттаннал халкьуннал шаэр Фазу Аьлиевал 90 шинал юбилей дувавриха зузисса сакиншинначитурал комитетрал заседание. Шиккува ххал бивгьунни Расул ХIамзатовлул шин лайкьсса даражалий тIайла дуккаврицIун бавхIусса масъаларттугу. – Уттизаманнул бюхттулсса вай шаэртал цава-ца ппурттуву дунияллийн ляхъавугу хIисавравун ласунсса иш бур, – увкунни Меликовлул. Культуралул министр Зарема Буттаевал бувсунни Фазу Аьлиевал юбилейрацIун...

Мусил гьиссилттух лухIи хъюруврал ххункI Аслан-ханнал цала арснан душ була чин Баху-бикачIан мугьи гьан бувну бивкIун бур шагьрулувусса яла бур увку­сса, цIанихсса арамтал. Баху-биканал гайннал хьхьичI ххунчлуй, кIяла ссупрагу бутан бувну, ланжарттуву лухIи хъюруврал ххункIругу бишин бувну, гай букан мусил гьиссилттугу дишин дурссия тIар. Мугьисалтран лухIи хъюруврал ххун­чIал мяънагу, мусил гьиссилттал мяънагу дурчIуну, хIаллих бивзун,...

Украиннал аьрщарай спецоперация байбивхьуния шинмай чIявусса инсантал бувккунни, ватандалул мурадру буруччаврил цIаний шаймур буллай, кумагру буллалисса. Ахъушиял райондалийсса ЦIуликъяннал шяраватусса Илиясовхъал кулпатгу тинмайну къабавцIунни. МахIачкъалалив яхъана­хъисса, ци кумаг буван хъинавав виртталну талатисса жагьилтуран тIий пикрирдайсса ХIажинан дакIнийн багьну бур чанигу буллалисса, гъилишивугу дуллалисса, гьаннайсса, окопирттаву ишла дуллансса хъамул чирахъру буварча тIисса пикри. «Комсомольская правда» кказитрай...

ДР-лул ЗахIматрал ва социал лябуккулул министерствалул 2023 шиналгу «Демография» тIисса федерал проектрал лагрулий агьалинан укра пишардал кIулшивуртту дуллалисса давур­тту дачин дуллан тIий бур. Программалийн бувну, уква лахьхьин бюхъантIиссар цIанасса ппурттуву рынокрай тIалавшиннарду дусса пишарду. Гьашину ва проектран хасъсса программалул Постановлениелуву хьусса дахханашиннардайн бувну, укра пишардал кIулшивуртту ласунсса сияхIравун бухлай бур лихъачалтрал статус дусса ягу чIумуйнусса...