Апаннинал арс ХIажи увну ур 1938-ку шинал февраль зурул 14-нний Хьурттал шяраву. Цала чIумух бурувгун, хъинну чантI увкусса инсан ивкIун ур ппу Апаннигу, динийссагу, дуниявийссагу кIулшивуртту дусса. Ца-ца чIумал зун­ттал шяраваллавун къашайшалачIан, я машиналий, я самолетрай гьан къахъанай, дучрай гьан багьссагума ишру шайсса бивкIун бур. Лакраву ва хьуну ур ПаччахI­лугърал университетрал кIулши­вур­тту ларсъсса цалчинсса учитель....

Февраль зурул 2-нний ЧIяй­ннал Магьирлугърал къат­луву хьунни кIинттулсса каникуллай шяравун бигьалаган бувкIсса студентътуращалсса хьунабакьаву. Мероприятиялул сиптачи ва сакиншинначи хьунни ЧIяйннал шяраваллил Магьирлугърал къатлул хъунмур Алхасова Са­лихIат. «Ва ххуллухсса мероприятие на хас дурссия студентътуран. ХьхьичIара жул шяраву ччя-ччяни дайссия студентътуращалсса вечерду. Мунияту, ттун пикри хьуна, дуклаки оьрчIру студентътуращал дахIаву дуну, хIала-гьурттуну бикIаншиврул, миннащал кIул бан, дус...

Ккурккуллал школалий лавайсса даражалий кIицI ларгунни Ленинград блокадалува буккан бувсса кьини. Шяраваллил майдан кьинилуха лавхьхьуну чIюлу бувну бия. ЧIирттайн лархъун дия блокадалия бусласисса плакатру ва суратру. Ца чулух бия Ленинградуллал халкьуннан итабакьлай бивкIсса 200 гр. дусса лухIи ччатIул касакру бивхьусса стол. Мюрщимигу, хъунимигу, ми ласун талоннугу дургьуну, лахъисса ирглий бавцIуну бия. Вайннах уруглагинал дакI аьсив...

Украиннаву талатисса жулва чиваркIуннан гуманитар кумаг буллалисса давурттаву хьхьичIунну зузисса ЦIуминалиясса лакку душваврал хавар баяйхту, ттун вайннущал хьунабакьин ччан бивкIуна. Вай лявкъунни 1999 шинал ЦIуссалаккуйсса дяъвилул ппурттуву цил цIа машгьур хьусса, Чувшиврул ордендалул заллу Полина Халиловагу, Геологиялул институтрал зузала ПатIимат Базмановагу. На вайннайн хъинну тIай­ла бавцIунав, Штабравун буххайхту, ЦIуссалаккуясса инсантал кумагращал бувкIун бур тIий, кIицI...

Вай гьантрай чIявуссаннал итталун дагьунни жула ватанлув, ГьунчIукьатIрал шяраватусса ХIасан ХIасанхIажиевлул къучагъсса тIулуя бусласисса кутIасса видео. Ванал ххассал увну ур хасъсса аьралий операция нанисса кIанттай щавурду дирсса 10 аьраличу. Ванал шяравучу Зиябуттин ХIажимирзаевлул бусаврийн бувну, «Мосгазрал» директор ХIасан ивкIун ур хасъсса аьралий операция нанисса кIанттай цала къуллугърал иширай командировкалий увкIун. – МахIаттал хьунсса затнугу хъанай...

Вана нагу Редукторныйлив­сса «Синема холл» кинотеатрдануву хьунна биялсса аваза бувтсса «Чебурашка» киносурат кка­ккан. Нюжмар ххишалагу хьуна арс хъин ивкIун, Пушкиннул карталий билетру лавсун, кинорахун бачу тIий. Ларгсса бигьалагай кьинирдай гьан ччай буссияв. Агь, вил къаттай, билетру бирияйххивав, хъиривми бигьалагай кьинирдайнмагу бакъая. Бия билетру арвахIкьини ссят ххюнний­сса сеансрайн. МаркIачIанми сеансирттайн бакъая. Жу кунма, тIааьнсса, ххуйсса асардах...

Санкт-Петербург шагьрулийсса Дагъусттаннал художниктал, цивгу Дагъусттан Республикалул халкьуннал художник Арсен Къардашовлул каялувшиндаралусса «Открытая ладонь» цIанилусса творчествалул сакиншиндаравун бухлахисса, цIанасса чIумал гьуртту хъанай бур Ленинград блокадалува буккан баврин хас дурсса выставкалий. Санкт-Петербургуллал Художниктурал союзрал Выставкартту дувай залдануву ккаккиялун дирхьуну дур 200-нния ливчусса художниктурал каруннил дурмур: живописьрал, скульптуралул, графикалул, сурат­рал, декоративно-прикладной искусствалул журалул произведенияртту. Цала Арсен Къардашовлул...

Лакрал театрданул цIунилгу ккаккан бунни 2021-ку шинал ахирданий бивхьусса палангнал комедия, Франсис Вебердул «Контракт» тIисса произведениялийнусса спектакль «Нядуку» («Зануда»). Пьеса лакку мазрайн бувцуну бур Руслан Башаевлул. Бивхьуну бур спектакль Болгарнал режиссер Богдан Петканиннул, уттинингу Шекспирдул кIива бюхттулсса произведение «Ромео ва Джульетта» ва «Гамлет» хъунмасса тIайлабацIулущал Лакрал театрданул сахIналийн буккан бувсса. Байбихьулийва Вебердул сценарий чирчуну дур...