[dropcap]Л[/dropcap]аргсса нюжмардий Каспийскалий «ЗМ» кофейнялуву хьунни Дагъусттаннал халкьуннал шаэр Фазу Аьлиевал аьпалул мажлис. Мунил сиптачишиву ва сакиншинначишиву дунни Каспийскаллал шагьрулул Фазу Аьлиевал цIанийсса ЦБС-лул (Центральная библиотечная система).

Бадрижамал Аьлиева [dropcap]М[/dropcap]икку байбихьулул махъ лавхъунни «Аьрасатнал ниттихъул» тIисса суккушиндарал региондалул отделениялул председатель Таиса Билаловал. - Дагъусттаннал яла хъуннамур хъус – инсанталли. Фазу Аьлиевагу бия жула республикалул пахру, - увкунни ванил. Мажлисрал лахъишиврий хьунни шаэрнал оьрмулул ва творчествалул ххуллурдаясса ихтилатру. Ихтилатчитурал кIицI лавгуна Фазу бушиву Аьрасатнаву Андрей Первозванныйл Орден дуллусса цалчин­сса хъамитайпа, мунил чивчумур бушиву дакьаврийн, хъиншиврийн, чаннамунийн оьвтIисса. Махъру лавхъуна Культуралул, спортрал ва жагьилтурал политикалул иширттал управлениялул начальник Мурад МахIаммадовлул, генерал Оьмар Муртузялиевлул, ДР-лул Хъаннил союзрал председатель Интизар Мамутаевал, ДР-лул Журналистътурал союзрал член Мариза МахIаммадовал, шагьрулул УО-рал начальник Людмила Шабановал ва цайминнал. Дуклаки оьрчIал дурккуна шаэрнал назмурду. Фазул арс МахIач МахIамма­довлул барчаллагь увкуна бавтI­миннахь ва хасну Таиса МахIам­мадовахь литературалухсса ччаврихлу, бувсса захIматрахлу.