[dropcap]А[/dropcap]ьрасатнал Президентнал СКФО-райсса вакилнал аппаратрал Дагъусттаннайсса хъунама федерал инспекторну ивтунни Алексей Горлов.

[dropcap]М[/dropcap]у итаннин ва къуллугърай зий ивкIссар Василий Колесников. Горлов Алексей Андреевич ув­ссар 1960 шинал Бакуй. 1988 шинал къуртал бувссар Азирбижаннал политех институт. 1977-1981 шиннардий къуллугъ бувссар аьралуннаву Севастополлай. 1981-1987 шиннардий зий ивкIссар Каспий хьхьирил пароходствалий радиоцентрданул электромонтерну. 1987-1991 шиннардий – Азирбижаннал ССР-данул КГБ-лул инженерну. 1991-1993 шиннардий – Азирбижаннал республикалул МНБ-лул аьраличуну. 1993-2017 шиннардий зий ивкIссар ФСБ-лул органнай. ХIадур бувссар ХI. Аьдиловлул