Июнь зурул 14-нний ДР-лул МВД-лул Миграциялул масъаларттаха зузисса управлениялий кIицI ларгунни Миграциялул зузалтрал кьини.

Миграциялул къуллугърай зузими барча бан увкIун ия ДР-лул МВД-лул министрнал хъиривчу, виваллил къуллугърал полковник АхIмад Баталиев. Управлениялул зузалтгу барча бувну, ванал барчаллагь баян бунни къуллугърал хъунама, полициялул полковник МахIаммад МахIаммадовлуйн, цалла даву лавайсса даражалий дуллай тIий. ЛичIи-личIисса бахшишру дунни давриву хьхьичIун ливчусса управлениялул зузалтран.

А. Аьбдуллаева