ЦIийшиял шяраваллил чулуха нанисса неххацI чIявусса щаращив ялун ливчусса суннил кIану буссар. Гъилисса гьантри бухьувкун, лагма-ялтту уруглай уссияв, дарув-дармандалун ишла бансса сувравагу ппиж куну бакъарив ххал буллай. Ва гъилисса, чIаракIлу къананисса кIанай цалчин ялун личай сувра. Амма бувая сувра сукку хьун. Яла на, бакI гьаз дурну, баргълагавал чулийсса, лякьлурду хьусса лухччинийн ургайхту, янин ххал хьумунил...

1957-ку шинал на лавгссияв ЧIяйннал школалийн, ттула ниттил бурувххусса чантайлуву букварьданул лугу бивхьуну. Яннардал парчрая бувсса чантайлул ца чулух дия щекьирал ккуппи дишинсса чIирисса жипгу. Амма барз ххишалагу хьухьунссия щекьирал ккуппи аьркин къахъанай. Гьа хъанай бия укунмасса лухIи кьалан. Цалчинсса кьини жу хъун школалий бакъассияв: байбихьулул классирттал оьрчIансса къатри дия шяравура, нагу лавгссияв ттула чIунархIал...

На сайрданий увкссияв Бярнихалу тIисса кIанайн. Ва кIану буссар Вихьуллал ва Ссухъиящиял шяраваллал дянив. Бярних жул хъугу дикIайссия. Шиккун Ттуккул-БурхIаяту най буссар бакIъялавайсса машиналул ххуллу. Жул хъу цурдагу Бярнихаллил кьабакIраву аьрщарай дикIайссия. ЧIярумур чIумал ттул ниттил, аьпа бивул, ХIуриял, кIикку лухIи хъюрув дугьайва. Жул хъуния яларайсса лухччайгу та чIумал лахIунтту хьусса хъуру дикIайва. Утти вай...

2016-ку шинал, декабрьданул 29-нний, Ккуллал райондалул жяматрал хIурматрай хьунабавкьуна ганиннин дунияллул чемпионтал хьусса ЦIийшиял шяравасса Рамазан Абачараев ва Къяннал шяравасса НурмахIаммад ХIажимахIаммадов. Абачараев Рамазан греко-римуллал лачIун уккавриву хьуну ия Аьра­сатнал ва дунияллул чемпион. ХIажимахIаммадов Нур­махIаммад хьуну ия кикбоксинграл спортрал Аьрасатнал Аьра­ли гужирдал шамийла чемпион, Дянивмур Федерал округрал чемпион, Европанал чемпион, Ка хIала даркьусса ияврил дунияллул...

Лакку маз яхьуншиврул, бухкъалаганшиврул муниха зий, му ах­ттар буллай бур лакку кказитру, журналлу, передачартту. Миннуву агьаммур кIану бугьлай бур «Илчи» кказитрал. Ла­кку мазрай, оьрус мазрай, ингилис мазрай гьар шинах кказитрал редактор Башаев Руслан лаизлай ур Дагъусттаннайсса, Аьрасатнавусса, чил кьатIувсса лакрайн, лакку кказитралгу, лакку мазралгу ялув дакI цIуцIаву дуллалияра, чIарав бацIияра тIий. Жул чIирисса СунбатIуллал шяраву...

  Вана дуркIун Хъаннил кьини. Вайннул бур жула, арамтурал, оьрму ххуй буллай, мунил гьану бизлай. Ци даврий, чув зий бухьурчагу, цалла даву хъаннил дакIнийхтуну биттур дувай, аьркинмур цила бущилий дачин дувай. Мунияту ттунгу жула буккулт, чан-кьанссавагу, Ккуллал райондалул идарарттай зузисса душвавращал-хъаннищал кIул буван ччан бивкIунни. Пикьаева Рая, Ваччиял почталул зузала На Лаккуйн зун учIайхтува кIул...

КIилчинмур ЦIувкIуллал шяраву, Культуралул къатрал хъунмур Халисат Рамазановал сипталий, хьунни Ватан дуруччултрал кьинилун хас дурсса мероприятие. БатIаврий гьуртту хьунни шяраваллил жямат, дуклаки оьрчIру ва воин -интернационалистътурал ниттихъул. Ва кьини Шамсулов МахIаммадлул ва Дибиров Дибирдул ниттихъал дакIнийн бивчунни арсваврал оьрмулувасса лахIзарду, бувсунни миннал тарихраву кьабивтсса ххуттардия. Дуклаки оьрчIал дурккунни ватандалухасса, вирттаврахасса назмурду, увкунни балайрду, дунни къавтIавуртту....

ЧIяйннал шяраваллил Культуралул къатраву хьунни Ватан дуруччултрал кьинилун хас дурсса шадлугъ. Шадлугъравух гьуртту хъанай бия школалул оьрчIру ва шяраваллил бугьарасса инсантал.Шадлугъ дачин дурну бия культуралул къатрал каялувчи СалихIат Алхасова. Байрандалун хас бувсса ихтилатру бувна Илдаров МахIаммадлул, Жамалуттинов Эльбруслул. Школалул оьрчIал бувккуна шеърирду, дуруна тяхъашивуртту. БувкIми циняв рязину ливчIуна.

Махъсса кIира шинаяр ххи­сса чIумуй Ккуллал райондалул хъуншяраву Ваччав заправкалий бакъассия газ. Ва нюжмардул дайдихьулийгу бакъая. Вана февраль зурул 24-мур кьини буллан бивкIунни заправкалий газ. Ва, явара, хъунмасса ишну хъанахъиссар. Вай махъсса шиннардий инсантал шарда дукра дуван ишла бувайсса газ ласун Гъумукун занай бивкIссар. На навагу лагайссияв, машина арцух бувгьуну, газ ласун Гъумукун. Утти, инсантурал...