Дагъусттаннай шин ва ххишала хьунни цайнува цивппа зузиминнал режим сакин дурну. Ялу-ялун хъунна хъанай дур ва режимрай зузиминнал сияхI. Шин дайдирхьуния шинмай мукьийлва гьарза хьуну бур цайнува цивппа зузиминнал режимрал сияхIрайн лавхъусса инсантал. Июль зурул ахирданийнин ва сияхIрайн лавхъун ур 16 азара инсан. Цайнува цивппа зунсса ихтияр ласун бюхъайссар ччима инсаннаща. ВаницIун бавхIуну буссар хIисавравун...
Ца чIумал, ччянива, СССР дусса заманнай, Иваново шагьрулий га чIумал дуклай ивкIсса, ттул уссу АьвдулхIалим увкIуна гъинтнил зурдардий, цала дуснащал Лаккуйн. Гай цивппагу Ванял мотоциклетрай бувкIун бия. ДакIний ливчIссар Ванян Лакку билаятгу, ванил ххуйшивурттугу. Буслай икIантIиссар цала оьрчIахь жуятува ва жула тIабиаьтрая. Аьрасатнал ва дунияллул личIи-личIисса мулкирдай бур шяраваллал, шагьрурдал лагмасса вацIри ччучлай, гичча нанисса...
Уттигъанну ахттая махъ Ваччату ахьтта шавай най, Хъюйннал лувсса ламуйн ивсса чIумал, ттул янилун багьуна тия чулийсса сунув, чаннал тталлу баххана буллай, гайннуйх ххаллу дуцлацисса инсантал. На гайнначIан гъан хьуну, цIуххаву дурссия. Гиккува ттун бакIрайн агьуна, Ккуллал райондалул подстанциялул хъунама мастер Щамхалов Серегин. Буслай ура зухьгу ганал ттухьва бувсмур: – Дагъусттаннал районнай цIана най дуссар...
ЦIуссалакрал райондалий шяраваллил кIанттурдайсса кIулшивуртту дулаврил идарарттай оьрчIру физкультуралухун ва спортрахун багьансса шартIру дузал даву мурадрайсса проектрал лагрулий Гьамиящиял ва ЦIуссалакрал 1-мур СОШ-рал хIаятирттаву бивхьунни воркаут-площадкартту. Ва проектрайн бувну, 2015 шиная шинмай Республикалул кIулшивуртту дулаврил министерствалул сайки цинярда муниципалитетирттал школарттал хIаятирттаву бивхьуну буссар воркаут-площадкартту. Шиккува кIицI лаган, вай площадкартту хъинну тIалавну бур шяраваллаву ялапар хъанахъисса...
Чичрурду дуллалисса, макьалартту чичлачисса инсаннан, муданмагу чичрурдаву цала кIулшиву гьарта-гьарза дуллан багьлан бикIай. Муна мукун чичрурду даврицIунсса маслихIатру буллалисса «Литературная учеба» тIисса журнал буссия ччяния шинмай Москавлив итабакьлай. Му журнал лавкьуну хьунни мукьра шин. Му лавкьунни 2017-ку шинал дайдихьулий. На электрон адресрай редакциялийн чивчуссия: «Циван лакьарду, ци багьана хьур?», – тIий. «ЧIумуйну лакьин багьунни», –...
ЦIуссалакрал райондалул КIулшивуртту дулаврил управлениялул баян буллай бур ЦIуминалийсса ДучIиннал шяраву цIуну тIивтIусса «Планета детства» тIисса ва Шушиннал шяраву мукунма цIуну тIивтIусса «Ласточка» тIисса садикирттайн оьрчIру батIлатIисса электрон журалийсса аьрзарду кьамул буллай байбивхьушиву. Ва сияхIрай оьрчIру чичин бюхъайссар «Записать в детский сад» тIисса Госуслугарттал ва «Электронный детский сад» тIисса порталдайхчIин, кIулшивуртту дулаврил аралувусса муниципал органнал...
Август зурул 17-нний ЦIуссалакрал райондалул прокурор Светозар Оьмаровлул аьрххи хьунни Гьамиящиял шяравун. Шяраваллил администрациялул къатраву прокурорнал кIирахъул ссятрал мутталий кьамул бунни агьали. Му давривух гьуртту хьунни Гьамиящиял шяраваллил бакIчи ХIабибуллагь Рашидовгу. Прокурорнал ва кьини кьамул унни 6 инсан. Агьалинал гьаз бувсса масъалартту бия социал ихтиярдал, бизан баврил, аьрщарал ихтиярду цIакь даврил, щинал, газрал, ттукIрал ва...
ЦIуссалакрал райондалул бакIчи МахIаммад-ХIажи Айдиевлул жямат коронавирусрал инфекциялул азардания мюхчан баву мурадрай, чIявусса инсантал батIайсса кIанттурдай, маскардал режим биттур даврил ялув бацIаву тапшур дунни волонтертурайн ва жяматийсса патрулданийн. Шиккува кIицI лаган, пандемиялия буруччаву мурадрайсса тIалавшиннардал ялув бацIавансса жяматийсса патруллу сакин бувссар Дагъусттаннал БакIчи Сергей Меликовлул ва ДР-лул Жагьилтурал иширттал министерствалул сипталийн бувну. Вай тIалавшиннардацIун бавхIуну,...
АхIмад-Хан Султаннул цIанийсса МахIачкъалаллал аэропортрая 2021 шинал январь зуруя байбивхьуну хIакьинусса кьининин дурну дур 8806 рейс. 2020 шинащал цачIу бивхьуну хъанай дур 54,2% ххишаласса рейсру, 2019 шинащал – 30,4 % ххишала. Август зуруйн бияннин аэропортрай кьамул увну ур 1 091 805 пассажир. Арулва зурул мутталий шикку кьамул дурну дурну дур 2578,23 тонна кьайлул ва почталул. Вайгу ларгсса...
ДакIнийхтуну барчаллагь учин ччай буру ЦIуминалийсса ЦIуссалакрал райондалул 1-мур азарханалул хъун хIакин Булбул Исрапиловал каялувшиндаралусса ххаллилсса хIакинтурал коллективрахь. Учайхха, хIакиннал нахIусса мукъулгу, цIимилийсса ургаврилгу къашайшалтрал цIуцIаву рахIат дайссар куну. Мяйжаннугу, гикку зузисса цинявнналагу къашайшалтрахсса ургъил хъунмая, бургаву цIимилийнусса дия. Мунил хъунмур биялагу хъун хIакиннахь чIалай бия. Мунияту хьхьичIва-хьхьичI Булбул ХIасановнахь, хъирив хIакинтурахь – Х. А....
