ЦIуминалийсса ЦIуссалакрал райондалий «Инсан» тIисса чирилул фондрал ва дакI цIимисса инсантурал ка-кумаг баврийну хIасул бунни «Школалийн оьрчIру дузал бара» тIисса акция. ЦIусса дуккаврил шинал дайдихьулий ва акциялул лагрулий кумаграх мюхтажсса мукьц1ала оьрчIан дуллунни ца-цанан шан-шаназарда къуруш арцул. Ми къахIисавну, оьрчIан пиш-каш бунни луттирду, тетрадьру, ручкарду ва цаймигу школалий ишла дан аьркинсса кьай-кьуй. Школалийн оьрчIру...
Дагъустанлув Аслан ХIажиагъаев хьунни хъинну сий дусса, Босфор бугъаз гьузуй битайсса Межконтинентал зумунусса гьурттучи. Ми бур гьар шинах шайсса Европа ва Азия батIул буллалисса Босфордал тIиртIусса щинаву гьузузаврил бяст-ччаллу. Гьузузаврин сакиншинначину хъанахъиссар Турциянал Олимпий комитет. Августрал 22-нний Аслан ХIажиагъаевлул гьузуй бивтунни 6,5 километралул манзил 1 ссят ва 11 минутIрай. Мунил гьурттучиталну хьуну бур 2,5 азарунния...
Ларгсса нюжмардий МахIачкъалалив Дусшиврул къатлуву хьунни 22 шинал хьхьичI 1999 шинал Дагъусттаннайн къачагътурал бандформированиярттал кьюкьри дурхсса тарихрал иширан хасъсса батIаву. Ванил сакиншинна дурну дия ДР-лул Миллатирттал политикалул ва диндалул иширттал министерствалул. БатIаврий гьуртту хьунни республикалул жяматийсса ишккаккултрал, динчитурал ва цаппара ведомстварттал вакилтал. БатIаву тIитIлай, ДР-лул миллатирттал политикалул ва диндалул иширттал министр Энрик Муслимовлул кIицI бунни,...
Август зурул 25-нний хьунни инсантурал ахIвал-хIал лавай баву мурадрайсса, арцуйнусса кумагру баврил сипта хьхьичIун ласласисса «Справедливая Россия – за Правду» партиялул щалагу Аьрасатнал пресс-конференция. Дагъусттаннайсса партиялул отделениялул республикалул СМИ-лунсса конференция дунни «Дагестан» РИА-лул редакциялий. Шикку ихтилатру бунни АьФ-лул ПаччахIлугърал Думалул миллатирттал иширттал комитетрал председатель Валерий Газзаевлул, Дагъусттаннал парламентрал вице-спикер, Региондалийсса «Справедливая Россия – за Правду»...
Август зурул 24-нний 2021-кусса шинал бувксса Аьрасатнал Президент Владимир Путиннул Указрайн бувну, жула лакрал хьхьичIунсса вакил, медициналул элмурдал доктор, профессор, Аьрасатнал медициналул академиялул ххисса кIулшиву ласаврил факультетрал декан, Аьрасатнал Федерациялул ПаччахIлугърал премиялул лауреат, Ибрагьиннул арс Сяъдуллагь Абакаровлун дуллунни «Аьрасатнал Федерациялул элмурдал лайкь хьусса ишккакку» тIисса хIурматрал цIа. Му хъуннасса цIагу барча дуллай, чIа тIий буру...
Буттал кIанттул цIанийсса дяъвилул фронтовик МахIаммадлул арс Оьмариев Шеърани увну ур Цалчинмур ЦIувкIрав 1956 шинал. 1974 шинал буттал шяраву школагу къуртал бувну, дуклан увххун ур МахIачкъалаллал автомобильно-дорожный техникумравун. Дуклай унува практикалийн гьан увну ур Краснодардал крайрайн, Армавир шагьрулийсса ххуллурдал строительный участокрайн.Тикку пишакар хIисаврай ванан тамансса затру лавхьхьуну бур. ЗахIматрал ххуллу байбивхьуну бур техникумраву дуклай унува....
Ларгмур нюжмардий «Дагестанская правда» кказитрал редакциялий хьунни махъ заманнай, хаснува августрал байбихьулия шинмай хъиннува, Дагъусттаннай газ ххира циван хъанай буссарив бусласисса ва ДР-лул ХIукуматрал ва иширал хIакъираву ци чаранну кьамул бан хIадур хъанай буссарив бусласисса пресс-конференция. Республикалийсса газрал багьрал масъалалия бусан увкIун ия ДР-лул энергетикалул ва ЖКХ-лул министр Ризван Мурадов, АЗС-рттал Заллухъруннал ассоциациялул хъунама МахIаммад...
Август зурул 23-нний 30 инсан усса туристътурал группа Гъуниннал райондалийсса Ккарадах тIисса къуманива буккан къабюхълай ливчIун бивкIун бур. Хар-хавар бакъа дуниял дарщуну, цакуну бувксса аьтарттал му группалувасса 2 инсан лавсун лавгун ур. Гава ссят бакъа хьусса туристътурах луглан бувккун бур Шамилкъалаллал, УнцIукIуллал районнал ПСС-рал зузалт ва укунмасса инсантал. ХIакьинусса кьинигу вай инсантурах луглайнма бур. Шиккува...
Аьрасатнаву, ларгмур шинал харжлугърах бурувгун, азарханардайн багьсса коронавирусрал къашайшалт хъин бан гьашинумур харжлугъ ххисса хьуну дур. ФОМС-рал ххалбигьавурттайн бувну, ковидрал къашавайсса ца инсаннан 2021 шинал дянивну харж хъанай дур 135,4 азарда къуруш арцул. 2020 шинал тIурча, ца къашайшалан хIисавну дур 115 азаруннийн дирсса арцу. Коронавирусрал азарданул къакъашавайсса, укунасса къашайшалан дянивну гьа шайсса дур 41,5 азаруннийн...
Августрал 23-нний Аьрасатнал Президент Владимир Путиннул дайдирхьунни «Армия-2021» ва «Армейские международные игры-2021» тIисса дунияллул халкьуннал дянивсса аьралуннал ва техникалул форумрал даву. «Патриот» тIисса аьралуннал ва патриотътурал паркраву хъанахъисса официал церемониялий гьуртту хьунни Дагъусттаннал БакIчи Сергей Меликов ва делегация. Форумрай гьуртту хъанай бур Дагъусттаннал цаппара хъус дуккан дайсса идарартту. Миннул сурсатру ккаккиялун дирхьуну дур Форумрал экспозициялий....
