Дарманну бур анжагъ вакцина Аьрасатнавугу, Дагъусттаннайгу (щалла дунияллийгу) ковидрал инфекциялул рахIму бакъасса щатIи, цIуницIакул хъапа бивщуну, хъиннува гьалакну ппив хьуну най бур. Жула дянивату му бала-хатIасса азарданул ттинин зевххунни язи-язисса инсантал, ливккунни апатI цимивагу къушлийн, тухумирттайн, жяматирттайн. Ццах увкуну, бакIрай ба­цIаншиврул цукунссар жунна ялагу барашиннарду, хIу­ччарду, аргументру аьркин багьлагьи­сса! Жула дянив къачансса агьлу ттигу бур...

Дагъусттаннал ЦIуллу-сагъшиву дуруччаврил министерство буруккинттарай дур махъсса ппурттуву ппив хьуну нанисса коронавирусрал инфекциялия. Хъунмур нигь дур лякьлуву оьрчI бусса хъаннил ва мюрщи оьрчIал ялув. ЦIубутIуй, ва азар ппив хьу­сса чIумал, захIматну къашавай хьусса оьрчIру нажагьсса бия. Шамилчинмур щатIул чIумал ва мукьилчинмунил байбихьулий инжит хъанай бур лякьлуву оьрчI бусса хъами. Аьрасатнал ЦIуллу-сагъшиву дуруччаврил министерстволул оперштабрай кIицI...

Октябрьданул 18-нний Дагъусттаннал БакIчи Сергей Меликовлул каялувшиврий хьунни КОВИД-райн къарши­сса ярглий дакъасса батIаву. Ваний ххал бивгьунни КОВИД-19 азарданул хьхьичIалу кьукьинсса ялун ххи бувсса чаранну. Шикку махъ лахълай, Сергей Меликовлул бувсунни, цаймигу регионнай кунма, республикалийн бивну бушиву пандемиялул цIусса щатIи, цIунилгу гьарза хъанай бушиву КОВИД-рал къашавайсса ва ливтIусса инсантал. Республикалул каялувчинал тIимунийну, агарда укунсса тагьар личIарча,...

Республикалул циняв ялапарлувтал барча буллай ура Дагъусттаннал культуралул ва мазурдил кьинилущал! Ва ххаллилсса байрандалул жунма цинявннан дакIнийн бутлай бур, цуксса агьамшиву ду­ссарив цалва мархри, аьзиз­сса улклул ва Ватандалул тарих кIулну ва бусравну бушиврул, ниттил мазрая пахрулий бушиврул. «Мазру личIи-личIисса, бухьурчагу за бакъассар, дакIру цасса духьурча», – куну бур жула хъунасса шаэр Расул ХIам­затовлул, щалва цалва...

ЦIуссалакрал райондалий бакъассагу, республикалийгу хьхьичIунсса школардал сияхIрай бур ЦIуминалийсса ТIюхчардал школа. Жу цимилагу кказитрайгу чичарду республикалул олимпиадарттай ва личIи-личIисса конкурсирдай хьхьичIунсса кIанттурду бувгьусса ва школалул оьрчIая. Гьай-гьай, школалул даража гьаз бан хъунмасса бияла директорнай буссар. ОьрчIругу, учительталгу, нину-ппугу, аьмсса мурадру щаллу буллай, ца хху­ллийх бачин бан хъуннасса магьиршиву, усттаршиву аьркинссар. ОьрчIру тарбия баврил ва миннал...

Октябрь зурул 12-нний МахIачкъалалив, «Россия – моя история» тIисса тарихрал паркраву, хьунни рувхIанийсса кIулшивуртту лахьхьин дуллалисса идарарттай дуклакиминнал дянив терроризмалийн къаршисса законну цуманан ххуйну кIул дурив ххал дуллалисса республикалул конкурсрал хIасиллу дуллалисса финал. Конкурсрай гьуртту хъанахъиминнан тIайлабацIу чIа тIисса ихтилат бувна национал политикалул ва динийсса иширттал министрнал хъиривчу Мурад Шяпиевлул. Финалданий гьуртту хьуминнан терроризмалийн къаршисса...

Октябрьданул 12-нний «Дагестан» РИА-лий хьунни «Открытая власть» тIисса проектрал лагрулийсса пресс-конференция. Журналистътуращалсса хьунабакьаврийн увкIун ия ДГУ-лул ректор Муртазяли Рабаданов. Ванал мурадгу бия, ва шинал республикалул яла хъунмур вузран 90 шин хъанай, цала хьхьичIуннайшивурттая ва захIматшивурттая, хIакьинусса масъаларттая ва ми щаллу баврия гьарта-гьарзану бусансса. Вузрал хIакьинусса къай­гъурдая буслан хьхьичI Муртазяли Рабадановлул дакIнийн бувтуна ДГУ-лул тарих-таварихгу. «ХIакьину...

ЧIярусса шиннардий на луглай бивкIра Буттал кIанттул цIанийсса Хъунмасса дяъвилул майданнай ливчIсса ттула ппу чув урвав увччуну тIий: цIухлай бивкIра, чичлай бикIра. Жуаврал чагъарданий чивчуну бикIайва: «Му бат хьуну ур Моздокрая арх акъа, амма чувчIав аьш-бакI дакъари», – тIий. Ахиргу, гьашину, Аьрасатнал Федерациялул Обороналул министерствалул «Память народа. Подлинные документы о Второй мировой войне» тIисса интернет-порталданихчIин...

Вай гьантрай МахIачкъалалив тIиртIунни республикалул магьирлугърал хьхьичIунсса ишккаккултрал – ДАССР-данул магьирлугърал лайкь хьусса зузала Моисей Путербротлул, ванал кулпат, чичу ва ТАСС-рал корреспондент Александра Путербротлул, вайннал арс, ДАССР-данул магьирлугърал бусравсса ишкка­кку, художник ва сценограф Эдуард Путербротлул аьпалул ула. – Путербротхъал кулпатрал багьа бищун къашайсса захIмат бивхьуссар Дагъусттаннал жяматийсса ва магьирлугърал оьрму хьхьичIунмай баврил, ттизаманнул буттал улклул...