Каспийскалий, Ф. Аьлиевал цIанийсса Центральный библиотекалий, хьунни «Аьрасатнал ниттихъул» суккушиннарал Дагъусттаннай­сса отделениялул «Клуб молодого патриота «Отечество» имени Героя Ро­ссии М. Нурбагандова» цIанилусса проектрал лагрулийсса батIаву. Проект щаллу дуллалиссар шагьрулул администрациялул, «Единая Россия» партиялул кIанттул отделениялул ва ЦБС-лул чIарав бацIаврийну. БатIаврий гьуртту хьуна Каспийск шагьрулул Авгъаннал ветерантурал советрал председатель МахIаммадарип Якьубов, шагьрулул АТК-лул аппаратрал начальник Муртазяли...

ДР-лул ХIукуматрал председатель АьбдулпаттахI Амирхановлул ххал бивгьунни МахIачкъалалив бакьин буллалисса Къорхъмасовлул цIанийсса кIичIиравалу. Премьер-министрнал каялувшиврийсса делегация ялтту був­ккунни Фазу Аьлиевал цIанийсса скверданучIату Лениннул Комсомолданул паркрачIан бияннинсса манзилданул. Ххуллий дуллали­сса давурттая буслай бия подрядрал сакиншиннардал вакилтал ва шагьрулул администрациялул зузалт. Миннал цIанасса ппурттуву дуркьун дур ххуллул ялувсса кугьна хьумур къат ва бакьин буллай бур инсантал заназимур...

Ноябрьданул 12-нний Каспийскалий шадлугърал тагьарданий тIиртIунни 1941-1945 шиннардий Буттал кIанттул цIанийсса Хъун дяъвилий Ватан дуручлай бивкIминнансса, дяъвилул къин­ттуллух зий бивкIминнанссса, жанну кьурван дурминнансса ва ятIа-тIар бакъа бат хьуминнансса Мемориал. ТIитIаврий гьуртту хьунни Да­г­ъусттаннал БакIчи Сергей Меликов, АьФ-лул ФСБ-лул аьралуннал контрразведкалул департаментрал каялувчи, генерал-полковник Николай Юрьев, армиялул генерал Владимир Исаков. Гьайкал тIиртIунни аьралуннал маршрал ва шадлугърал...

Ноябрьданул 15-нний Дагъусттаннал БакIчи Сергей Меликов гьуртту хьунни АьФ-лул ХIукуматрачIасса Аьрасатнал Федерациялий коронавирусрал инфекция ппив шаврищал талатаву дачин даврил Координациялул советрал президиумрал батIаврий. БатIаву хьунни Москавлив Михаил Мишустиннул каялувшиврий. Ххал бивгьунни КОВИД-19 цIуцIаврищалсса талатаву дачин даврил, регионнайсса тагьардал, субъектирттан кумаг баврил ва аьмну билаятрал экономикалул масъалартту. Михаил Мишустиннул тIи­мунийну, билаятрайсса тагьар чIурунура личIлай дур, амма...

Ноябрьданул 17-нний Москавлив Дагъусттаннал БакIчи Сергей Маликов хьунаавкьунни АьФ-лул Федерациялул Советрал Председатель Валентина Матвиенкощал. Миннал ххал бивгьунни республикалул социал-экономикалул лябуккулул масъалартту. Сергей Матвиенкол бувсунни ккаккан дурсса проектру бартдигьаврил хIакъираву. Республикалул каялувчинал тIимунийну, циняв масъалартту бартбигьлай бур пландалий ккаккан бувсса низамрай. Дахханашивуртту дурну дур национал проектирдаву. ЦIана зий бур инфраструктурарттансса кредитру ласаврил иширттаха ва инвестицияртту дучIан...

Вай гьантрай Каспийскалий хьунни 1996-ку шинал терактраву ливтIуми дакIнийн бичлачисса дягъулул митинг. Жунна дакIнийссар ванияр 25 шинал хьхьичI Каспийскалий, пограничниктурал къатри пIякь учин дурну, 69 инсан, миннавух мюрщисса оьрчIругу, ливтIусса та лухIи кьини. Ва балаллуву оьрмулуцIа хьуми дакI­нийн бичин бувкIун бия ДР-лул ХIукуматрал председательнал хъиривчунал кIанайсса Рамазан ЖахIпаров, Дагъусттаннал ФСБ-лул хъунама Анд­рей Корпенко, Дагъусттаннал прокурор...

Зунттурду, зунттурду, лагмавагу зунттурду. Чунмай бургарчангу, буссар зунттурду, щюллисса дарайлувунгу, кIяласса марххалттанилунгу бахьлавгсса. КIайннул паччахI кунма, ссурулун бакIгу шарчуну, буссар алвагьсса ВацIилу-Зунттугу. Цимигу ттуршуку шинну духьунссар зун! Цикссагу бакIрачIан бувкIхьунссар зул! Шайсса бивкIссания зуща бусан зунма ккавкмуния, зуяту хьунссия цалчинсса барачитал лакрал тарихрал. Циксса лакрал жагьилтурал жанну къадуллухьун­ссар цалва миллатрал цIа бюхттул дуллай, душмантуращал талай?.....

Агь, зу исул ласивухъул Ца кьини Акул-Аьли лавгун ивкIун ур архсса шяраву­сса цала дусначIан. Хъювун уххай­хту, ххинил хьусса аьнакIив, тий-шийгу бавцIуну, «хъу-хъю-дакъу», «хъу-хъю-дакъу» тIий бивкIун бур. Миннух вичIи дирхьунугу ивкIун, Акул-Аьлил чайва тIар: – Агь, зу, исул лавсун, цавагу къаличIивухъул, ттул дугьансса хъугу, ликкансса хъюгу дакъашиву зухьгу щил бувсри? – куну. КIия щялмахъчи Ца къурлачу,...