Ларгсса тталаткьини республикалул захIматрал ва социал развитиялул министр (врио) Изумруд МухIуттиновал «Единая Россия» партиялул приёмнайлуву кьамул бунни цалва масъаларттаягу бусан, кумагралгу хъирив бувкIсса инсантал. ЧIявуми «Социальный контракт» проектрацIун бавхIусса масъаларттащал бувкIсса бия. Масалдаран, проектрал кабакьаврийну репетиторшиву дуллалисса Анатолий Русидзел цанма гихунмайгу кумаг аьркиншиву бусайхту, ванан маслихIат бунни, министерствалул грантирттал программалийн бувну, дарсру дихьлан мушакъатсса (ОВЗ)...

Декабрьданул 14-нний Дагъусттаннал БакIчи Сергей Меликовлул ххал бивгьунни республикалий агьали ттукI лешлай, къатраву гъилишивугу, гъили щингу дакъа азурдану бушивруцIун бавхIусса масъалартту, мукунма коронавирус къадиянсса чараннал ва низамрал хIакъиравусса масъаларттугу. Дагъусттаннал ЦУР-данул (Центр управления регионом) каялувчи МахIаммадсултан Аьбдуралимовлул бувсунни ноябрь зурул 23-нния декабрь зурул 13-ннийн бияннин сайки шаназарва аьрза бувкIшиву агьалиная кIай ялув кIицI лавгсса масъаларттацIун...

Аьдатравун дагьсса куццуй, Дагъусттаннал Виваллил иширттал министерствалул гьашинугу тIайла дурккунни цIусса шинал бахшишру Донецкаллал ва Луганскаллал республикардал ОВД-лул зузалтрал оьрчIан. Чирилул акциялуву гьуртту хьунни Дагъусттаннал виваллил иширттал министр, полициялул генерал-лейтенант Аьбдурашид МахIаммадов, ванал хъиривчутал, подразделениярттал каялувчитал, жяматийсса советрал вакилтал ва ведомствалул зузалт. НацIу-кьацIу ва школалул кьай дусса азарунния лирчусса бахшишру дучIантIиссар цIусса шинайннин Донецкаллал ва...

Гьарица шинах, декабрь зурул 15-нний, Аьрасатнаву дакIнийн бичайссар къуллугърал буржру биттур буллай жанну дуллусса журналистътал. Ва кьини кIицI дуллансса хIукму хьуссар Аьрасатнал Журналистътурал союзрал сипталий 1991-ку шинал декабрь зурул 11-нний Югославиянал билаятрай Аьрасатнал телевидениялул корреспондент Виктор Нагин ва оператор Геннадий Куренной ливтIусса чIумал. Дагъусттаннай чIявусса журналистътурацIухсса бунни 90-ку шиннардил ахирдания, цIусса ттуршукулул дайдихьулийн дияннинсса чIумуву....

СоцсетирдайхчIин вай гьантрай Республикалул БакIчи Сергей Меликовлуйн бувккун бия Лаващиял райондалиясса хъамитайпа, яруннал мушакъатшиву дусса цила душнин дарсру лахьлан кумагрансса ноутбук пиш-каш бувара тIисса тавакъюрай. Бувния шийнмай Маликат Айгубовал дур катаракта ва яруннал нервардал атрофия дусса диагноз. ЧIивисса душнил дарсру куртIну лахьлансса хиялдания цанма кIул шайхту, Сергей Меликов махIаттал хьуну ивкIун ур. Республикалул БакIчинал хIукму...

Москавлив баян бунни щалвагу Аьрасатнал кIул­шиву дулаврил журналистикалул «ПРО Образование 2021» тIисса конкурсраву ххув хьуминнал цIарду. Ва Аьрасатнал Просвещениялул министерствалул сийлийсса конкурсри. «Блогер года, рассказывающий про образование» тIисса номинациялуву ххув хьуну ур Мираблул арс Саэд Илиясов, юрист, «Твоя грамотность» тIисса инстаграм-блограл автор. КIива мукъуйну учин, оьрус маз лахьхьин буллалисса жагьил. Буниялттунгу, оьрус мазрал кIулшивуртту куртIгу,...

Ва иш хьуну бур Люберцы шагьрулий. Ва шагьрулул поликлиникалий зузи­сса дагъусттан оьрчIру Исмяил ХIажиев ва Ражав Аьбдулабеков цала смена къуртал хьуну махъ дусначIан най бивкIун бур. Вайннан ххал хьуну бур кIичIираву марххалттанийн багьсса хъамитайпа. Ва кIулшилий къабивкIун бур. Исмяиллул бусласимунийн бувну, хъамитайпалул ненттабакIраву ссайн-бунугу щусса аьшгу диркIун дур. Арх бакъа тIуркIу тIисса мюрщи оьрчIал бувсун...

Дагъусттаннал Жагьилтурал министерствалул Барчаллагьрал чагъарду буллунни Москавлив апатI хьусса хъамитайпалун кумаг бувсса Дагъусттаннал паччахIлугърал медициналул университетрал 5-мур курсрал студентътал Исмяил Эскендаровлун ва Карина Мутаеван. Наградартту вайннан дуллунни Регионнал дянивсса кIулшивурттал форумрай. Ва иш хьуну бур кIива зурул хьхьичI, сентябрьданул 27-нний Москавлив студентътурал форумрайн бувкIсса Исмяиллул ва Каринал ххассал бувну бур «Партизанская» тIисса метролуву рельсирдайн багьсса...