Ажублул арс ХIайдаров Раппани Хъун бакъасса хIаллай къашавайгу ивкIун, оьрмулул 89 шинаву аьпалухьхьун лавгунни цала оьрмулулгу, захIматралгу ххуллу бусравну бивтсса инсан, Ххюлусматусса Ажублул ва Уммусалиматлул арс Гайдаров Раппани. Раппани ия чIявучин эбрат ласунну оьрму бутлатисса, цува усса кIану бюхъан байсса, дустал гьарзасса, гьарца ишираву хIал бавкьусса инсан. Ххюлусмав школагу къуртал бувну, зий ивкIссар колхозрал личIи-личIисса...
Махъсса ппурттуву жула дянива лавгунни бур кусса язисса арсру ва душру, мискин хьунни жула миллат. Инт чантI тIутIисса март зуруй 85 шин хьунтIиссия лакрал балайлул бакIщаращину ивкIсса, щалагу Дагъусттаннал культура хьхьичIуннай давриву хъунмасса бутIа бивхьусса машгьурсса композитор Мазагьиб Шариповлун. АьФ-лул культуралул лайкь хьусса зузала, ДР-лул искусствалул лайкь хьусса ишккакку, «Дагъусттаннал вирдакI» тIисса ДР-лул ПаччахIлугърал премиялул...
Мартрал 14-мур кьини (1879 ш.) хъанай дур дунияллий яла машгьурма физик Альберт Эйнштейн ниттил увсса кьини. Жунма кIулли ва аьлимчув, физик акъагу, ивкIшиву аькьилчувгу, хъярчъчигу. ЦIанихсса физик, аькьилчув дакIнийн утлай, кIицI дуванну ванал зумату дурксса калимарттавасса цаппара. * * * Хъами щар шайссар, арамтал баххана хьунссар тIисса пикрилий, арамтурал хъами буцайссар, ми тачIав баххана къахьунссар...
Вай гьантрай «Илчи» кказитрал редакциялий хъамалу буссия «Вечерняя Москва» кказитрал хьхьичIунсса ахттарчи Кузьмина Ольга Игоревна. ХIайп, ванил Дагъусттаннайнсса аьрххи пашмансса иширацIун бавхIусса бия. Ольга бувкIун бия жула Виричув НурмахIаммад ХIажимахIаммадовлул нитти-буттащал хьунабакьин. Сант дирирну дунура бувкIунни жул редакциялийнгу, коллективран ссайгъатран хъунмасса тортгу лавсун. Жугу Ольгахь цила оьрмулия, даврия цIухху-бусу барду. – Ольга Игоревна, буси жул...
Республикалул БакIчи Сергей Меликовлул баян бунни Дагъусттаннал кьамул ан тIий ушиву Донецкаллал ва Луганскаллал республикарттаясса 1268 лихъачув. – Националистътурал чулухасса хIусутшиврийн бувну, Донбассрал агьулданун багьунни, ду-думур ду-дуний кьариртун, лихъа буккан. Ихтилат цахлува цивппа бацIан къабюхъайминнаятур – хъанния, оьрчIая ва къари-къужлуя. Аьрасатнаща къабюхъайссия тай балаллуву кьабитан. Жува ца агьлуру ва хIакьину жунма багьлай бур, циняв цачIун...
ЦIуссалакрал райондалул каялувчитурал барчаллагь увкунни Донбассраясса лихъачалтран кумаг бувминнахь. ЦIуссалакрал райондалул хъунаманал барчаллагь увкунни Донбассраясса лихъачалтран кумаг бувсса, райондалий шяраваллил хозяйствалуха зузисса инсантурахь. Кумагран гьан дурсса дуки — хIачIия ва чара бакъа аьркинмур 13,5 тонналийн дирсса дур. Вайннуву дур шушравусса щин, консерварду, макаронну ва цаймигу затру. Арцуйнусса кумаг бунни ЦIуссалакрал райондалийсса шяраваллил хозяйствалул предприятиярттал каялувчитурал:...
Вай гьантрай ЦIуссалакрал райондалия 13,5 тонна гуманитар кумаграл тIайла дурккунни Донбассрал агьалинан. Райондалул агьалинал цачIуну бавтIсса гуманитар кумаг гьан бунни цIана Ростовуллал областьрай чIумуйну ялапар хъанахъисса Донбассрая бувкIсса лихъачалтран. Вайннал оьрмулун аьркинсса тIалавшиннарду хIисавравун ларсун, райондалул жяматрал кумагран дартIунни дуки-хIачIия ва лаххи-ликкия. ЧIирисса чIумул мутталий агьалинан гуманитар кумаг батIинсса сиптачину увккунни ЦIуссалакрал райондалул администрациялул бакIчи...
ЦIийшиял шяраваллил чулуха нанисса неххацI чIявусса щаращив ялун ливчусса суннил кIану буссар. Гъилисса гьантри бухьувкун, лагма-ялтту уруглай уссияв, дарув-дармандалун ишла бансса сувравагу ппиж куну бакъарив ххал буллай. Ва гъилисса, чIаракIлу къананисса кIанай цалчин ялун личай сувра. Амма бувая сувра сукку хьун. Яла на, бакI гьаз дурну, баргълагавал чулийсса, лякьлурду хьусса лухччинийн ургайхту, янин ххал хьумунил...
Аьрасатнал Виричув НурмахIаммад ХIажимахIаммадов дакIнийн утлатисса дарсру дирхьунни республикалул школардай ва ЧIивимур академиялул ТОКС-рал музейраву. Музейравун бувкIун бия МахIачкъалаллал 17-мур гимназиялул 9-мур классрал дуклаки оьрчIру. Академиялул педагогтурал ва методистътурал бувсунни оьрчIахь Украиннай, Донбасс буручлачисса спецоперациялуву виричувну жан дуллусса НурмахIаммад ХIажимахIаммадовлуя, ванал дурсса къучагъшиврия, мукунма дагъусттанлувтурал чувшиврия ва ватан ххирашиврия. КIицI лаган, ТОКС-рал Музейравусса «Золотая слава...
Мартрал 14-нний ДР-лул ХIукуматрал хъунама, «Единая Россия» партиялул политсоветрал регионал отделениялул член Аьбдулмуслим Аьбдулмуслимов гьуртту хьунни Луганскаллал ва Донецкаллал республикарттая Крымнавун лихъа бувксса агьалинан дукиялийнусса гуманитар кумаг тIайла буккавриву. Дагъусттанная тIайла дурккун дур 80 тонна (5 фура) гуманитар кумаграл – янна-ус, дукия, марцI-чапалшиврун ишла даймур, даруртту. – Республикалул БакIчи, «Единая Россия» партиялул Дагъусттанналмур отделениялул хъунама...
