Майрал 20-нний Къумукьнал театрдануву «Неделя дружбы» тIисса V- миллатирттал дянивсса форум тIитIлатIисса шадлугъ хьунни. Форумрал сакиншинначишиву дурну дия Да­гъусттаннал педуниверситетрал, МахIачкъала шагьрулул администрациялул кумаграйхчIин ва ДР-лул Жагьилтурал иширтталсса буллалисса комитетрал.

Интту ардай тIутIаяр ТIутIайх бичу, ниттил маз! Зунттай зяй щаращаяр Зяй-зяй тIутIу, ниттил маз! М. МахIаммадов Уттигъанну МахIач­къалаллал 22-мур лицейраву хьунни, ва лицейраву аьдат­равун дагьсса, шинай цал дайсса, ниттил маз ябаврин хас дурсса байран. Дияхха ца тIааьнсса, даркьусса, интту бургъил гъили ва чанна дурсса кьини.

«Преданья грозных дней Кавказа» тIисса проектрал ххюва томрал презентация хьунни Дагъус­ттаннал паччахIлугърал политехнический колледжраву Мяйжаннугу, ци-цигу оьсса кьинирду бакIрачIан дуркIун дур Дагъусттаннал, Ккавкказнал тарихраву. Цагу-кIивагу ккавккун бакъар зунттал халкьуннан дяъвирду. Амма Дагъусттанналгу, Ккавкказналгу агьлу ца хьуну, дурурччуну дур жулла ватан оьнкьарахун бияннин янна-ярагъуннил балгусса чапхунчитурая. ХIакьину Ккавкказ ттислай бур. Дагъусттаннай вилаххав душмантал гьарза хъанай, жулва...

МахIаммадлул душ Оьмарова Бадрижат Вай гьантрай, лавмарт­сса цIуцIаврища ххассал къавхьуну, дунияллия лавгунни 1-мур ЦIувкIратусса Ххяллух МахIаммадлул душ Оьмарова Бад­рижат. Му буссия бакI-чурххал бювхъусса, хасиятрал хъинсса, мазрал пасихIсса, тIул-тIабиаьт уздансса хъамитайпа.

Майрал 21-нний, Дагъусттаннал бакIчи Рамазан АьбдуллатIиповлул председательшиврулу, хьунни ирглий дакъасса, республикалий аьдлу-низам щаллу даврин хасъсса Координациялул совещание. Га хас дурну дия майрал 20-нний МахIачкъалалив террорчитурал пIякь учаву даврин. Рамазан АьбдуллатIиповлул увкусса куццуй, дурсса терактгу республикалий тагьар цалий дацIан къадитансса, цаппара инсантал уттигу бандитътурал кьюкьрава буккан къабитансса хIарачатри. ДР-лул Президентнал кIанайманал кьянкьану увкунни, республикалий тагьар цалий...

Майрал 21-нний, Республикалул паччахIлугърал вещаниялул «Дагестан» компаниялул къатраву, ДР-лул Президентнал кIанайма Рамазан АьбдуллатIипов хьунаавкьунни паччахIлугърал СМИ-рдал вакилтуращал. Хьунабакьаврий гьуртту хьунни ДР-лул ХIукуматрал Председательнал 1-ма хъиривчу Анатолий Карибов, ДР-лул печатьрал ва информациялул министрнал кIанайма УмархIусман ХIажиев, ДР-лул Президентнал ва ХIукуматрал прессалул къуллугърал каялувчи МахIаммадбаг АхIмадов, паччахIлугърал СМИ-рдал вакилтал. 

Дагъусттаннал бакIчи хьунаавкьунни Ставрополлал губернаторнащал Майрал 18-нний ДР-лул Президентнал кIанайма Рамазан АьбдуллатIипов хьунаавкьунни Ставрополлал крайрал губернатор Валерий Зеренковлущал. Хьунабакьаврий гьуртту хьуну ур Чачаннал Республикалул парламентрал Председатель Дукуваха АьбдурахIманов.

Ххаллилсса дакIнийн бичавурттал чичрурду МухIаммад Идавсил (с.аь.с.) увкуну бур: «Зула усттазтал ва насихIатчитал сагъну буна, чичара миннал бувсмур, цанчирча, ми хъамабитавугу, бивкIугу цава цар». Ялун нанисса никиран ппухълуннал тарих лахьхьин баву агьамсса масъала бушиву бувчIуну, ххаллилсса дакIнийн бичавурттал чичрурду дурну дур Читтурдал шяравасса Абусупияннул арс ХIасан Камаловлул.

Лаккучу — Турциянал шагьру Стамбуллай мина дирхьусса Мехмет Сани Озель вай гьантрай цалчин Дагъусттаннайн увкIунни. Андриана Аьбдуллаева ПатIимат Рамазанова «Ттул дакIнил ва чурххал мархри Лаккуйри бусса. КIай кьукьирча, на бяйкьусса кьурукьра, ссавния багьсса цIукура». Щинни къакIулсса революционер, шаэр, драматург Гьарун Саэдовлул «Къалайчитал» драмалувасса вай махъру? «Бяйкьусса кьурукьну, ссавния багьсса цIукуну» оьрму бутлатимигу чан бакъар дунияллул...

Вай гьантрай гьунар бусса композитор, пианист, дирижер, ххаллилсса педагог Рамазан Фаталиевлул оьрмулул 50 шин там хьунни.  Рамазан Фаталиев ув­ссар хIакьсса педагогтурал – СумбатIлиясса АбутIалиблул ва Хъусращатусса ПатIиматлул кулпат­раву. Цала творчествалул ххуллу ванал байбивхьуссар ХI. ХIасановлул цIанийсса музыкалул училищалуву дуклакисса чIумалва.