2011 шинал июльданул 28-нний террористурал канища оьрмулуцIа хьусса Кьурбанов Гьарун МахIаммадович ивкIссар жяматийсса ва политикалул хъунасса ишккакку, ххаллилсса инсан ва Дагъусттаннал политиктурал, журналистурал ва хьхьичIунсса аьлимтурал кьюкьлувасса ца.

На мудангу махIатталну икIайссияв ттула дустурай: Ххюлусматусса Арсен МахIаммадовичлуй, ЦIаликъяниятусса Кьурбан ДинмахIаммадовичлуй ва ГьунчIукьатIатусса Зиябуттин Абусупияновичлуй. Миннал бюхттулшивручIансса хъит учаврий цума-цагу мяш акъа къахьунссар. Даврил тагьар хIисавравун ласурча,Кьурбан ДинмахIаммадович — ТIивтIусса университетрал ректор, профессор, Арсен МахIаммадович мува университетрал кафедралул хъунама, Зиябуттин Абусупиянович тIурча «Дагавтодорданул» ца отделданул хъунама хъанай ур.

Гьашину 100 шин хъанай дур Лакрал райондалийсса ШавкIуллал школалун. Вайксса шиннардил дянив ва школалул итабавкьусса лахьхьусса дуклаки оьрчIая хIакьину хьуну бур жямат­ран, агьлу-авладирттан пахрулунсса, ххуй-ххуйсса, дугърисса халкь.

Барча уллай буру жуна акъа чара бакъасса, муданма ду­аьлийсса ЧIаящиял Аьлиллул арс, Аьлиев Алхас Хъун дяъвилул ва захIматрал ветеран оьрмулул 86 шин щаллу хъанахъисса кьинилущал. Алхаслул цалва оьрмулул ххуллий ЦIуссалакрал райондалий ТIюхчардал колхозраву ва совхозраву личIи-личIисса давурттай зий, хъунмасса захIмат бивхьуссар. Лайкь хьуссар медаллан ва хIурматрал грамотарттан.

Вана вай гьантрай жул редакциялийн хъамалу бувкIун бия ГьунчIукьатIрал шяраватусса, Азирбижаннал хъуншагьру Бакуй ялапар хъанахъисса Аьлиева СалихIа Шамиллул душ. Вания, ванил оьр­мулия ва даврия гьарта-гьарзану чивчуну буссия «Фейсбук»-райхчин кIул хьусса жул журналист Бадрижамал Аьлиевал жула кказитрайгу.

ЧукIундалавгу ур хIукумат къача-къучсса шиннардий миски-гъаривнал оьрмугу, кIантту-кIанттурдайсса бакIдугьултрал ва активистурал дурсса тIайладакъашивурттугу назмурдай чIалачIи дуллай жан дуллусса. Куннал шаэр, куннал ккулак тIий кIира цIа къадирзун ялун къаливчусса миллатрал арсну авцIусса адамина ивкIссар ЧукIундалав.

АьвдурахIиннул арс Аьлиев Аьли Август зурул 2-нний оьрмулул 90 шинаву, чан-кьансса хIаллай къашавайгу ивкIун, аьпалул хьунни ххаллилсса тухумраясса АьвдурахIиннул арс Аьлиев Аьли. Аьли увну ур ЧукIуннал шяраву 1924 шинал. Ванал оьрчIшиву ларгун дур цала буттал шяраву. Шиккува дуклай ивкIун ур 7 класс къуртал банцIа. Мунияр махъ, Буйнакскалий финансирттал курсругу къуртал бувну, зий ивкIун ур колхозрал учетчикну.

Самуэль Братт тIисса пIапIрус учин ччай мюхтажнува ливчIсса ца адаминал цалва махъва-махъсса аманат ишла бувну бур кьисас ла­хъаншиврул. Оьрмулуву цачIу ялапар хъанахъийни мунал щарссанил му къалиян учин къаитайсса ивкIун ур.Муналгу мунин аманатран васижатрал чагъарданий кьадиртун дур 330000 фунт арцул ишла дуллан агарда щарссанил гьантлун 5 пIапIрус тIурчан.

Гара кьини Дагъусттаннал бакIчи Рамазан Аьб­дуллатIипов ва АьФ-лул шяраваллил хозяйствалул министр Николай Федеров лавгунни Гергебиллал райондалийсса КIикIуниннал консерварттал заводрайн.

Рамазан АьбдуллатIиповлул РИА «Новости» -лун дуллусса интервью — Рамазан ХIажимурадович, Дагъусттаннал хъуншагьру МахIачкъалаллал агьамми масъаларттая ва ми щаллу баншиврулсса ххуллу-чаранная буси. Цукунсса давурттив дуллан дакIний буру? — КутIану учин, щалла респуб­ликалий кунна, МахIачкъалаливгу мархлуцIакулсса низам дишин багьлай бур. Шагьру бирибат бувну бур учивияв. ЧIярусса, жура-журасса зданияртту дурну дур, амма инсантуран бигьалаган щябикIансса кIанувагу бакъар.