Гьашину Лакрал райондалий школалийн лавгунни 1200-нничIан бивсса оьрчIру. Цалчинмур классравун лавгунни 120 дуклаки оьрчI. Зулайхат Тахакьаева Сентябрь зурул цалчинсса кьини школалий яла агьамми инсантал бур дахьва байбихьулул классравун наними ва хъунмур къулагъасгу, гьай-гьай, миннах дур.
Сентябрьданул 2-ннийн дагьсса КIулшиврул кьинилул байран Вихьуллал школалий, сир-сир тIий лачIлачIисса гъарал багьана хьуну, духIиннарай хьунадакьин къархьуна. Мунийн бувну, дуклаки оьрчIал, учительтурал, нитти-буттахъал батIаву хьуна школданул вив. Ва кьини оьрчIру байрандалущал барча буван шиккун бувкIун бия Дагъусттаннал культуралул министр Зарема Буттаева, Ккуллал райондалул МО-рал хъунама Сяид Сулайманов, ванал хъиривма
Дайдирхьунни цIусса 2013-2014 дуккаврил шин. Каникуллай, кIани-кIанттайх кIама бивщуну, бигьалаглай бивкIун, гъинтнил шанмагу зуруй къаккавксса архIал дуклакиминнахгу, ххирасса учительтурахгу, цалва кIилчинмур къаттану хъанахъисса школалухгу
Лавгунни оьрчIру школардайн хIадур буллай нитти-буттахъул базаллавун лечлачи бувсса, ттучаннайх буклаки бувсса август барз. Дайдирхьунни цIусса дуккаврил шин. Нитти-буттахъал кислуй, гьай-гьай, диялсса къия хьунни, кIия-шама дуклаки оьрчIру бусса кулпатирттал кисри лапва кIюла бувкхьунссар, шиная шинайн дуккаврил кьай-кьуйгу, лаххиягу ххирагу хъанай духьувкун. Шиккува кIицI лаган, гьашину чара бакъа школьная форма лаххан аьркинссар тIисса тIалавшинна душиврул хаваргу...
Август зурул 27-нний Грозный шагьрулий хьунни агьамсса хьунабакьаву. Га хьунабакьаврийн оьвкуну бия ттуйнгу. Оьвкуну бия Ухссавнил Ккавкказуллал миллатирттал мазурдийсса кказитирттал телевидениялул хъуниминнайн. Дагъусттанная ялагу ия яруссаннал кказитрал хъунама редактор,
Выставкалул сакиншинначину бур ДР-лул Печатьрал ва информациялул министерство. «Дагестан в моем сердце» выставкалий дирхьуну дия 1960-ку шиная 2012-ку шинайн дияннин рирщусса 110 сурат, яни художникнал хьхьичIра-хьхьичIсса давурттая байбивхьуну, цIанаминнуйн дияннинсса давурттив.
Тарихирттал элмурдал доктор, Аьрасатнал элмурдал академиялул член-корреспондент, СССР-данул ПаччахIлугърал премиялул лауреат, Аьвдулкьадирдул арс МахIаммад Дандамаев ниттил увну сентябрь зурул 2-нний хьунни 85 шин. ДакIнийхтуну барча уллай буру жула хъунасса аьлимчу, дагъусттанлув, лаккучу, ГьунчIукьатIрал жяматрал ххаллилсса арс! ЧIа тIий буру
Шагьрулиймигу, шяраву ялапар хъанахъимигу куннах кув мякь бувккун, август зурух ялугьлай бикIайсса ккурккул, ва ххуллухь хъиннува ссавур духларгун бия. НукIува спорт ххирасса жагьилтурал зума-ккарччулу бия Москавлив ялапар хъанахъисса жула шяравучу, гьунар бусса спортсмен, тренер «Fight Nights» компаниялул генеральный продюсер Камил ХIажиев Дагъусттаннал машгьурсса спортсментуращал учIан най усса ур шяравун тIисса хавар.
Сулайманнул арс Сулайманов Кьурбан Уттигъанну, оьрмулул 83 шинаву, аьпалул хьунни шяраваллил жяматрачIагу, архIал зузиминначIагу хIурматрай ивкIсса ххаллилсса лаккучу, 1-мур ЦIувкIуллал шяравасса Сулайманнул арс Кьурбан Сулайманов. Кьурбаннул захIматрал ххуллу байбивхьуну бур Каспийскаливсса «Двигательстрой» заводрай. Мунияр махъ ва зий ивкIун ур цал «Точной механики» заводрай, яла №2 школалий.
Августрал 26-нний Дагъусттаннал бакIчи Рамазан АьбдуллатIипов хьунаавкьуссар АьФ-лул ХIукуматрал Председатель Дмитрий Медведевлущал. Хъиривмур кьини МахIачкъалалив зана хьуну махъ га хьунаавкьунни журналистътуращал. Р. АьбдуллатIиповлул бакIрайва бувсунни Д. Медведев кIул увну ивкIшиву республикалул бакIчинал хIадур дурну диркIсса цинярда программарттащал ва предложениярттащал.
