Лаккуйн нанисса Манасрайхсса машиналул ххуллу лавкьуну бия. Мунийн бувну, ттул ххуллу бия яруссаннал билаятрайх хьуну Ххажалмащилив буклакисса. Ва ххуллул зума-къирагъирайх бакIрайн дагьлагьи­сса тIабиаьтрал аваданшивугу хIайрансса дия. Ва ххуллу цу­ппагу МахIачкъалалия Буйнакс­калийн бувккун, шичча шагьрулувун къабувхна урчIа чулинмай зана бикIлай бия.

Уттигъанну, вин, жул ххирасса мяммал дадай, хьунни 80 шин. Жунна хъинну ххирасса, чIявусса инсантурангу бусравсса, Шаллал шяраватусса МахIаммадлул душ Сулайманова СахIив бувсса кьини барча дуллай буру. Ххирасса мяммал-дадай, чIа тIий буру вин лахъисса, цIуллусса, ххарисса оьрму. Жу вияту хъунмасса пахрулий буру, барчаллагьрай буссару ина бувсса захIматрахлу вила оьрчIругу, минналми оьрчIругу хъуни бан.

Манасрайсса лакраву ца яла лак ххирама инсан ухьунссар 1-мур ЦIувкIратусса Кьурбаннул арс АхIмадов Рамазан. ПатIимат Рамазанова ЦIувкIуллал мяйра шинал даражалул школа къуртал бувкун, му дуклан увххун ур Дагъусттаннал политехнический техникумравун.

ЦIунилва-цIунил гъалгъа тIун багьлай бур федерал ххуллурдайсса тагьардания. Цуксса ялув бавцIуну бухьурчагу ГИБДД-лул зузалт, хъанай дур чIярусса аварияртту, бала-апатIру.

МахIачкъалаллал Ленинский райондалул судрал ххалдиргьунни ХIасанаьлиев Расул Идрисовичлул ва Мажидов Басир Алхановичлул хIакъиравусса уголовное дело. Ми кIиягу мукIру хьуну бур, группа сакин бувну, наркотикру бахху-ласу буллай бивкIшиврий.

Кьадинахъал ХIажинал душ Сияли ХIажиева Вай цуппа кунма чаннасса, гъилисса гъинтнил гьантрай, цинна ххирасса кIюрххицIун чIумал дунияллия лавгунни ххаллилсса лакку хъамитайпа Ккурккуллал шяравасса Кьадинахъал ХIажинал душ Сияли ХIажиева. Сияли бувну бур 1940 шинал ноябрь зурул 2-нний Кьадина­хъал ХIажинал ва Сабиратлул кулпатраву. 1962 шинал Дагъус­ттаннал университетрал чил мазурдил факультет къуртал бувну махъ, му ххуйсса кьиматирттай къуртал...

Июньдалул 19-нний ДР-лул Президентнал кIанайма Рамазан АьбдуллатIипов Санкт-Петербурглив къуллугърал аьрххилий унува хьунаавкьунни Дагъусттаннай инвестициярдал проектру ишакаш дуллан хIадурсса кIанттул бизнесчитуращал. Хьунабакьаврий гьуртту хьунни ДР-лул ХIукуматрал Председательнал хъиривчу Абусупиян Хархаров, ДР-лул машлул ва кьатIаллил экономикарттащалсса дахIаврил министр Юсуп Умавов, С-Петербургливсса Дагъусттаннал вакил ХIасан ХIасанов ва цаймигу.

Июнь зурул 13-нний «Дагестан» РИА-лул конференц-залдануву республикалул Жагьилтурал иширтталсса буллалисса комитетрал отделданул хъунмур Ирина Дружининал республикалул журналистурахь бувсунни оьрчIру гъинтнил лагерьдай бигьалагаврил даву цукунсса даражалий най дуссарив.

МахIачкъалалив май зурул 27-нния байбивхьуну июньдалул 5-ннийн бияннин най бия «Автобус» операциялул цалчинмур этап. Ва операциялул лагрулуву МахIачкъала шагьрулул УВД-лул ГИБДД-лул зузалтрал хъуннасса къулагъас дия автобусирттал шупIиртурал ххуллул низам дуруччаврих, цинявгу журалул автобусирттай пассажиртурал мюхчаншиву дузал даврих.

Хъунмасса Буттал КIанттул цIанийсса дяъвилуву ххувшаву ларсун гьашину 68 шин хьунни. Ва ххувшаву ласун, бакIрая ка гьаз дурну, дяъвилул цIаравун ххяхлай бивкIсса вирттаврал кьюкьри шиная шинайн ххялтIа дуклай дур. ЦIуссалакрал райондалий хIакьинусса кьини увагу 7 фронтовик ливчIун ур. Миннавасса ца ур ТIюхчардал шяравасса Султаннул арс ХIасанов МахIаммадсултан. А. Аьбдуллаева Дяъви байбивхьусса чIумал МахIаммадсултан ивкIун ур...