ДР-лул Роспотребнадзорданул управлениялул каялувчи Элеонора Оьмариевал ихтилат бунни республикалул муниципал районнал ва шагьрурдал округирттал бакIчитурал хьхьичI. Ми бия Дагъусттаннал зузалтрал (кадрардал) центрданий квалификация ларай дуллалисса курсирдай ккалаккисса инсантал.
ОРВИ-рал ва гриппрал чIявусса дуклаки оьрчIру къашавай хьуну бур тIий баяврицIун, Роспотребнадзорданул тавакъюрайн бувну, хIукму хьуну бур ца нюжмардийсса «Центр одаренных детей» тIисса республикалул лицей-интернат лакьин.
Декабрьданул 17-нний МахIачкъалалив Р. ХIамзатовлул цIанийсса Миллатрал библиотекалуву тIиртIунни «Золото России» — «Мир камня» Х регионнал дянивсса ювелир выставка-даххия.
ДР-лул КIулшиву дулаврил ва элмулул министерствалул ккаккиярттайн бувну, 2015 шин дайдирхьуния шинмай Дагъусттаннай нитти-буттал кьабивтсса 500-нния ливчусса оьрчIру кулпатирттавун бувцуну бур.
Дунияллул халкьуннал ихтиярдал кьинилун хасну, ДР-лул жяматийсса идарарттал вакилтал бивунни Къизилюртуллал тарбиялул колониялийн ва 8-мур исправительный колониялийн.
Ларгсса нюжмардий МахIачкъалалив Расул ХIамзатовлул цIанийсса Миллатрал библиотекалуву хьунни гьунар бусса журналист, художник, «Горцы» литературалул кказитрал хъунама редактор Марат ХIажиевлул «ЦIу» тIисса цIанилусса луттирал презентация.
Декабрьданул 9-нний МахIачкъалаллал Дусшиврул къатраву байбивхьунни «Аьрасатнал Ккавкказ» тIисса дунияллул халкьуннал политологиялул 3-мур форум. Форумрай гьуртту хьунни ДР-лул БакIчи Рамазан АьбдуллатIипов, Дагъусттаннал парламентрал спикер Хизри Шихсаидов, Миллатирттал иширттал Федерал агентствалул каялувчи Игорь Баринов, ПаччахIлугърал Думалул Миллатирттал иширттал комитетрал председатель ХIажимет Ссапараьлиев,
Декабрьданул 1-нний ЦIуссалакрал райондалий КЦСОН-далул дяхттасса отделениялий Ниттил кьини шадлугърай кIицI лаган бавтIунни чIявусса оьрчIру тарбия бувсса ва буллалисса ниттихъул, учительницахъул, захIмат буллай оьрмурду гьан бувсса яхIлувсса хъами.
Жулва билаятрай дуллалисса байраннаву ца яла чаннамурну, гъилимурну хIисав дан багьлай бухьунссар ноябрь зурул махъра-махъсса алхIаткьини кIицI лагайсса Ниттил кьини. Му кьини гьар шинах Каспийскалий шайссар чIярусса мероприятияртту.
МахIачкъалаливсса Этникалул культуралул музейраву чIа-чIаннин шайссар хъинну хIазсса ва дакIний личIансса выставкарду. Ва ххуллухгу музейраву тIиртIунни «Куклоград» тIисса ссихьрал выставка. Тамашалун дирхьуну дия, художниктурал канилусса яннардая, бурчуя, чагъардая, ппалул ххаллая, тIаннуя, пенопластрая, муххардия дурсса 24 ссихьу.
