Августрал 17-нний ЦIуссалакрал райондалия лак ЦIуминалийн бизан баврил ва Аухуллал район цIу дуккан даврил масъалартталсса буллалисса ДР-лул ХIукуматрал управлениелул хъунама МахIаммад-ХIажи Айдиев Москавлив хьунаавкьунни АьФ-лул экономикалул министрнал хъиривчув Сергей Назаровлущал.

Имара Саидова
Хьунабакьаврий ххал бивгьунни ЦIуссаминалийн бизан буллалисса агьалинансса къатри даву цIуницIа дайдишаврил хIакъиравусса масъалартту. Му бакъассагу, ххал бивгьунни ЦIуминалийсса ЦIуссалакрал райондалийсса ЦIуссаккуллал шяравусса ххуллурдал сетьру цIу дуккан даврил масъалартту.

МахIаммад-ХIажи Айдиевлул Сергей Назаровлун ккаккан бунни кIицI ларгсса давуртту цил чIумуй дансса график.

Шиккува кIицI лаган, объектирдайсса давуртту дуллалиссар АьФ-лул паччахIлугърал «Развитие Северо-Кавказского федерального округа» программалул лагрулий.