ЦIуссалакрал райондалий хьунни Аьрасатнал Ттугълил кьинилун хас дурсса автопробег. Шикку гьуртту хьунни 40-хъул инсантуращалсса 20-нния ливчусса машинартту. Автопробеграл маршрут дия, ЦIуссалакрал райондалия дайдирхьуну, Хасавюртлив дияннинсса. Флешмобрал гьурттучитурал машинарттайн лачIун бувну бия Аьрасатнал ттугъру ва Z лишанну. Автопробеграйсса машинартту бия, низамрава къабувккун, ссятрай 40 километр ритлай нанисса. Автопробеграй мюхчаншиву дуручлай бия ГАИ-лул зузалт.

Акциялувух хIала буххан ихтияр дия ччима инсаннахь.
Аьрасатнал ттугъ хъанахъиссар Ватандалул тархъаншиву исват дуллалисса ва миллатирттал цашиву ккаккан дуллалисса лишанну.

Имара Саидовал