Ва зурул 3-4-нний ЦIуминалийсса ЦIуссачIурттащиял школалул футболданий буккай майданнив хьунни щалвагу Аьрасатнал лагрулийсса грэпплинграл турнир «Спорт – террорданийн къаршийну» тIисса.

Турнирданул сиптачиталну бия райондалул администрациялул хъунама ХIажи Айдиев, шяраваллил администрация, ЦIуссачIурттащатусса Закир Къаравалиев, республикалул боксрал чемпионатрал призер ва грэпплинграл Дагъусттаннал федерациялул хъунама Мурад Аьбдуллаев. Турнирданий гьур­тту хьунни Азирбижаннавасса, Аьшттарханнаясса, Ухссавнил АьсатIиннавасса, Чачаннал рес­публикалиясса спортсментал ва Дагъусттаннал 6 клубравасса вакилтал. Аьмну гьуртту хьунни 120 спортсмен.
Турнир тIитIаврил шадлугърай гьуртту хьунни ЦIуссалакрал райондалул хъунаманал хъиривчу Аьли Исрапилов, грэпплинграл Дагъусттаннал федерациялул хъунама Мурад Аьбдуллаев, дунияллул чемпионнал цIа ря­ххийлла ларсъсса Рамазан Рамазанов, Европанал ва Аьрасатнал чемпион, МВД-лул чемпион СалихI Къаравалиев, дунияллул чемпион Амирхан Амирханов ва цаймигу бусравсса хъамал. Соревнованиярттал спонсоршиву дунни ООО «Технострой холдинг» строительний фирмалул (гендиректор М. Агъаев), «Новострой» ООО СМУ-лул ( хъунама А. Аьлиев) ва «Дагъусттан» СПК-лул (директор А. Мусиев). Турнирданий ххув хьуминнан дуллунни арцуйнусса бахшишру, кубокру ва ХIурматрал грамотартту. Миккура хьунни кикбоксинграл соревнованиярттугу.