Ухссавнил Ккавкказнаву цалчин Дагъусттаннай тIиртIунни исламрал банкинграл стандартирттайн дурсса счет. Цалчинсса «исламрал» счетгу тIиртIунни «Шахьуйннал шяраваллил мизит» тIисса кIанттул организациялул.
[dropcap]Ш[/dropcap]иккува кIицI лаган, Аьрасатнал Федерациялул финансирттал системалувун «исламский банкинг» тIисса калима духхан даврил пилотный проектравун СКФО-лул регионнава цалчинма-цалчин кьамул бувссар Чачан ва Дагъусттан, цаппара хIаллавун – Ингушетиягу. Проектраву мукунма гьуртту хъанай бур Башкирия ва Татарсттан. Жулва билаятрай исламрал финансированиялул цалчинсса офис тIурча, тIивтIуссар ларгсса шинал декабрьданий Къазан шагьрулий.
ХIакьинусса кьини исламрал банкинграл инструментру ишла бувну буллалисса арцул операциярттал лагру лархъун дур 17 млрд къуруширттайн.
Ца ххарисса хаваргу: хасну Шахьуйннал мизитрал тIиртIусса исламрал счетрайн бувкIссар «Бурхан» цIанилусса ихIсандалул фондрал гьан бувсса 150 азарда къурушрал лагрулийсса спонсоршиврийсса кумаг. Шахьуйннал жямат барчаллагьрай бур «Бурхан» фондрал генеральный директор Тага ХIажимахIаммадовлуйн ва бусравсса даврицIун бувсса кабакьаврихлу.
